U Bresckaj vobłaści mužčynu zatrymali pa padazreńni ŭ piedafilii

U adnym z rajonaŭ Bresckaj vobłaści 26‑hadovaha mužčynu ŭziali pad vartu pa padazreńni ŭ raspusnych dziejańniach u dačynieńni da zaviedama małaletniaj, paviedamlaje pres-słužba Hienieralnaj prakuratury.

Zdymak ilustracyjny

Pavodle materyjałaŭ kryminalnaj spravy, mužčyna znachodziŭsia ŭ haściach u znajomych, jakija vychoŭvali 11‑hadovuju dačku. Skarystaŭšysia tym, što ŭvaha baćkoŭ była asłablenaja, jon padyšoŭ da dziaŭčynki i nasupierak jaje voli pačaŭ ździajśniać u dačynieńni da jaje raspusnyja dziejańni.

Z-za ŭzrostu, uzroŭniu psichičnaha i fizičnaha raźvićcia, a taksama indyvidualnych psichičnych mahčymaściaŭ dziaŭčynka nie mahła akazać supraciŭ darosłamu čałavieku.

Praź niekatory čas jana raskazała baćkam pra toje, što adbyłosia, paśla čaho jany źviarnulisia ŭ milicyju.

Dziejańni mužčyny kvalifikavanyja pavodle častki 2 artykuła 169 Kryminalnaha kodeksa Biełarusi. Uličvajučy abstaviny złačynstva i asobu padazravanaha, prakuror sankcyjanavaŭ jaho źmiaščeńnie pad vartu.

Kamientary da artykuła