Kreml apublikavaŭ sumiesnyja FOTY Pucina i Hiercharda Šrodera
Kreml apublikavaŭ u aficyjnym akaŭncie ŭ dziaržaŭnym miesiendžary Max sumiesnyja fatahrafii prezidenta Rasii Uładzimira Pucina i byłoha fiederalnaha kanclera Hiermanii Hiercharda Šrodera z uračystaściaŭ z nahody ŭčarašniaha dnia naradžeńnia Pucina.
Hierchard Šroder i Uładzimir Pucin
Na zdymkach Pucin i Šroder sfatahrafavanyja razam padčas śviatkavańnia. Pucinu 7 kastryčnika spoŭniłasia 76 hadoŭ.
U Kramli paviedamili, što Uładzimir Pucin 7 kastryčnika ranicaj nibyta tolki z paviedamleńniaŭ ŚMI daviedaŭsia pra pryjezd u Maskvu byłoha kanclera Hiermanii Hiercharda Šrodera pa spravach kampanii «Hłobus». Paśla hetaha rasijski prezident, maŭlaŭ, i zaprasiŭ svajho daŭniaha siabra da siabie dadomu.
Šroder zachavaŭ siabroŭstva z Pucinym i dziełavyja suviazi z Rasijaj navat paśla napadu na Ukrainu, za što zaznaje rezkuju krytyku ŭ Hiermanii, u tym liku ŭ šerahach svajoj partyi — Sacyjał-demakratyčnaj partyi Hiermanii.
Čytajcie taksama:
Były kancler Hiermanii Hierchard Šroder pryjechaŭ u Maskvu ŭ dzień naradžeńnia Uładzimira Pucina
«Jon rasijski łabist». Kałas zajaviła, što Šroder nie moža być pieramoŭščykam ES z Rasijaj