U ZŠA žančyna vyraściła hihancki kabačok vahoj z darosłaha čałavieka

Fielčarka Sara Vici sa štata Men u ZŠA vyraściła hihancki kabačok daŭžynioj kala 120 santymietraŭ i vahoj 77,1 kiłahrama. Dziakujučy hetamu jana ŭstanaviła adrazu dva rekordy, piša The Washington Post.

Žančyna nazvała svajho kabačkovaha rekardsmiena Sakrataryjatam. Jon staŭ samym ciažkim kabačkom u ZŠA, pieraŭzyšoŭšy papiaredni rekord, jaki składaŭ 69,2 kiłahrama. Akramia taho, płod pierasiahnuŭ papiaredni rekord Paŭnočnaj Amieryki: u Kanadzie raniej vyraścili kabačok vahoj 73,9 kiłahrama.

Sara zajmajecca vyroščvańniem hihanckaj harodniny z 2013 hoda. Akramia kabačkoŭ, jana vyroščvaje harbuzy i pamidory. U minułym hodzie jaje kabačok važyŭ kala 73,7 kiłahrama, ale jaho dyskvalifikavali praź nievialikuju raskolinu. Pavodle pravił spabornictvaŭ, lubyja raskoliny i treščyny na pładach mohuć stać pryčynaj dyskvalifikacyi.

Sioleta rekord taksama byŭ pad pahrozaj. U mai ŭ Sary było try kabački, ale dva ź ich parepalisia. Treci płod moh paciarpieć praz mocnuju buru ź vialikaj kolkaściu apadkaŭ. Lišak vilhaci vyklikaje rezkaje paskareńnie rostu kabačkoŭ, z-za čaho jany mohuć raskołvacca. Kab abaranić Sakrataryjata, žančyna nakryła raślinu bryzientam, što dapamahło zapavolić jaje rost.

Ciapier Sara płanuje sabrać nasieńnie rekardsmiena, kab u nastupnym hodzie vyraścić jašče bolšy kabačok. Častku nasieńnia jana pakinie sabie, a astatniaje razdaść inšym amataram sadoŭnictva.

«Dla mianie najvažniejšaje — zachavać jaho hienietyku i raspaŭsiudzić jaje pa ŭsim śviecie», — skazała žančyna.

U nastupnym hodzie Sara spadziajecca nablizicca da suśvietnaha rekordu. Najciažejšy kabačok u historyi vyraściŭ brytaniec Vincent Sjodzin u 2021 hodzie: jaho płod važyŭ 116,4 kiłahrama.

Sakrataryjata ž Sara ŭrešcie płanuje addać na korm śvińniam.

Kamientary da artykuła