U Mahilovie adkryli abnoŭleny paravoz-pomnik

U Mahilovie ŭračysta adkryli adnoŭleny paravoz-pomnik 9P-536. Cyrymoniju prymierkavali da 80‑hodździa z dnia ŭtvareńnia Mahiloŭskaha adździaleńnia Biełaruskaj čyhunki.

Fota: mogilevnews.by

Mierapryjemstva adbyłosia ŭ skviery nasuprać haradskoha čyhunačnaha vakzała. U im uziali ŭdzieł hanarovyja hości, pradstaŭniki kiraŭnictva mahistrali i miascovyja žychary.

Na praciahu mnohich hadoŭ paravoz 9P-536 byŭ častkaj haradskoha piejzažu na vulicy kala byłoha Doma kultury čyhunačnikaŭ. Paśla restaŭracyi łakamatyŭ atrymaŭ novaje miesca ŭ skviery kala hałoŭnych varot horada, dzie ciapier sustrakaje pasažyraŭ, jakija prybyvajuć u Mahiloŭ abo adpraŭlajucca ź jaho.

Restaŭracyja, jak śćviardžajecca, dazvoliła adnavić histaryčny vyhlad paravoza i padkreślić jaho techničnuju kaštoŭnaść. Pomnik staŭ nie tolki ŭpryhožańniem terytoryi kala vakzała, ale i napaminam pra historyju čyhunki, ciesna źviazanuju z raźvićciom Mahilova.

Kamientary da artykuła