Na vybarach u Pieru pieramoh Hitler Musalini
Jon byŭ kandydatam ad levych sił.
45‑hadovy Hitler Musalini Simieon Fłores pieramoh u baraćbie za pasadu mera haradka Kierapalka. Jon bałatavaŭsia ad centryscka-levaj partyi «Ahora Nación», paviedamlaje Jeŭrańjus.
Jon atrymaŭ 229 hałasoŭ — 34,5% z 663 sapraŭdnych biuleteniaŭ u Kierapalcy. Jaho najbližejšy apanient, Haspar Bienilde Asorya Sambrana z partyi «Popular Renewal Peru», nabraŭ 204 hałasy, abo 30,8%.
Pavodle aficyjnych źviestak za 2024 hod, nasielnictva akruhi składaje krychu bolš za 730 čałaviek.
Simieon Fłores taksama kiruje inviestycyjnaj hrupaj Simeon Sac u Pilka-Marcy, u tym ža departamiencie.
Heta nie pieršy vypadak, kali ŭ hetaj paŭdniovaamierykanskaj krainie vybarščyki hałasujuć za čałavieka ź imiem Hitler.
Pradstaŭnik centryscka-pravaj partyi «My — Pieru» Hitler Alba zajmaŭ pasadu mera inšaha nievialikaha haradka Junhar z 2011 da 2014 hoda.
U 2018 hodzie jon pajšoŭ na vybary suprać Lenina Uładzimira Radryhiesa Valvierde, jaki sprabavaŭ asprečyć zakonnaść jaho vyłučeńnia. Alba pieramoh inšych kandydataŭ, nabraŭšy 47,7% hałasoŭ.
Nazvaŭšy siabie «dobrym Hitleram», Alba vioŭ kampaniju pad łozunhami «Hitler viartajecca» i «Hitler z narodam».
Tady jon zajaŭlaŭ, što jahony baćka nie viedaŭ pra spadčynu nacysckaha dyktatara Hiermanii, kali vybiraŭ synu imia.
Deputat i chirurh Hitler Saaviedra pracavaŭ u Kanhresie Pieru ad partyi «My — Pieru» z 2021 hoda da svajoj śmierci ŭ 2024 hodzie va ŭzroście 46 hadoŭ.
Dla pieruancaŭ nie redkaść davać dzieciam imiony histaryčnych asob abo prosta niezvyčajnyja imiony, nie zvažajučy na ich niehatyŭnyja ci sprečnyja asacyjacyi.