Minskaja kampanija prapanuje pracu 10‑ci kiroŭcam taksi. Abaviazkovaja ŭmova — viedańnie turkmienskaj movy
Zarehistravanaje ŭ Minsku TAA «ŚjeraLima» prapanuje 10 vakansij kiroŭcaŭ taksi na partale Dziaržaŭnaj słužby zaniataści. Pry hetym u abjavie adnoj z abaviazkovych umoŭ pracaŭładkavańnia paznačana vałodańnie turkmienskaj movaj («u daskanałaści abo nośbit»), zaŭvažyła vydańnie «Pozirk».
Skrynšot: sajt Dziaržaŭnaj słužby zaniataści
Pry hetym zarobak patencyjnym kandydatam prapanujecca nievialiki: ad 1000 da 1200 rubloŭ.
Dyrektaram TAA» ŚjeraLima», jak adznačana, źjaŭlajecca Saparmyrat Hurbanaŭ. Kampanija zarehistravanaja 9 krasavika 2025 hoda, jaje asnoŭny vid dziejnaści — taksi.
Pavodle źviestak MUS na sakavik hetaha hoda, hramadzianie Turkmienistana składali amal pałovu ŭsich pracoŭnych mihrantaŭ u Biełarusi (48%, 23 050 čałaviek). Dalej išli hramadzianie Rasii (10%, 4677), Ukrainy (9%, 4389), Uźbiekistana (7,5%, 3618), Kitaja (7%, 3438).
Čytajcie taksama:
Łukašenka palacieŭ u Turkmienistan
U Turkmienistan ciapier možna pajechać pa elektronnaj vizie i biez abaviazkovaha zaprašeńnia
Pasłuchać śpievaka Akmala ŭ Minsku sabralisia dziasiatki tysiač ludziej FOTAFAKT
Troch turkmienaŭ, jakija atrucilisia ŭ Lidzie pahankami, udałosia adkačać