Hienierał Bilecki abviaściŭ pra skančeńnie 4‑ha etapu apieracyi «Vivaldzi»
Treci armiejski korpus i prydadzienyja padraździaleńni vyzvalili jašče try nasielenyja punkty — Zialonuju Dalinu, Lipavaje i Kałodziazi, — paviedamiŭ u svaim zvarocie bryhadny hienierał Andrej Bilecki.
Apieracyja, jakaja pačałasia ź likvidacyi rasijskaj infiltracyi, pierarasła ŭ maštabny kontrnastup.
«My nie dali praciŭniku abyści Słavianska-Kramatarskuju ahłamieracyju z fłanhaŭ i ŭziać jaje ŭ abcuhi, a taksama abaranili trasu Charkaŭ — Słaviansk. Praciŭnik nie zmoh pierarezać klučavuju łahistyčnuju arteryju našaj hrupoŭki na Danbasie. My sarvali nastup hrupoŭki «Zapad» i prymusili jaje pierakidvać častku padraździaleńniaŭ 1‑j tankavaj armii, što asłabiła cisk na Kupiansk-Vuzłavy», — zajaviŭ Andrej Bilecki.
Za čas apieracyi pad kantrol Ukrainy viarnuli 16 viosak i vyzvalili 277 km².