Znakamityja salihorskija terykony mohuć źniknuć
Vielizarnyja nasypy prapanujuć vykarystoŭvać dla pavyšeńnia ŭradlivaści hleby.
Pryčym pieršyja vyprabavańni niezvyčajnaj technałohii ŭžo dali dobryja vyniki, piša Domovita.
Terykony pačali raści pad Salihorskam jašče ŭ 1960‑ch hadach, kali tut zapracavała pieršaje rudaŭpraŭleńnie.
Z taho času pry zdabyčy kalijnaj rudy karysnyja kampanienty nakiroŭvajuć na vytvorčaść uhnajeńniaŭ, a astatniuju parodu, u tym liku hlinu i techničnuju sol, zvoziać u vielizarnyja adkidy.
Za bolš čym šeść dziesiacihodździaŭ na miescy raŭninnaha krajavidu vyraśli sapraŭdnyja hory. Niekatoryja ź ich dasiahajuć 160 mietraŭ u vyšyniu — prykładna jak 40‑paviarchovy dom.
Navukoŭcy prapanujuć vykarystoŭvać adchody kalijnaj vytvorčaści dla pavyšeńnia ŭradlivaści biednych piasčanych hleb, jakich asabliva šmat na poŭdni Biełarusi.
Ideja zaklučajecca ŭ tym, kab źmiešvać hlinista-salavy šłam z torfam i arhaničnymi ŭhnajeńniami.
Atrymany skład užo vyprabavali na praktycy. Dla ekśpierymientu vybrali pole płoščaj 20 hiektaraŭ u Minskim rajonie.
Jaho padzialili na šeść učastkaŭ, na kožnym ź jakich vykarystoŭvali roznyja varyjanty padkormki. Častku ziamli pakinuli biez uhnajeńniaŭ, kab było z čym paraŭnoŭvać vyniki.
Zatym pasiejali kukuruzu hatunku «Rykardyna». Pieršyja vyniki abnadzieili: na ŭčastkach z ekśpierymientalnymi sumiesiami raśliny prykmietna padraśli i dobra sfarmiravali katachi.
Raźvitvacca z «kaśmičnym» krajavidam pad Salihorskam pakul rana. Navukoŭcam treba pierakanacca, što novaja technałohija sapraŭdy efiektyŭnaja.
Napieradzie jašče jak minimum try hady vyprabavańniaŭ.
Kali technałohija apraŭdaje čakańni, adchody kalijnaj vytvorčaści zmohuć pastupova vyvozić dla palapšeńnia hleb u inšych rehijonach Biełarusi.
Ale navat pry paśpiachovym vyniku znakamityja hory nie źniknuć za paru miesiacaŭ. Za dziesiacihodździ tut nazapasilisia sotni miljonaŭ ton parody, tamu na jaje vyvaz spatrebicca niamała času.