Žychary Pinska sprabavali zavałodać kvaterami pamierłych maskvičoŭ
U Breście čatyroch žycharoŭ Pinska i Pinskaha rajona va ŭzroście ad 55 da 63 hadoŭ asudzili za sprobu machlarskim šlacham zavałodać kvaterami pamierłych ludziej u Maskvie. Ahulny košt nieruchomaści pieravyšaŭ 1 miljon dalaraŭ, paviedamiła Hienieralnaja prakuratura.
Zdymak ilustracyjny. Fota: Hienieralnaja prakuratura
Pavodle materyjałaŭ spravy, z 2021 da 2025 hoda abvinavačanyja ŭvachodzili ŭ biełaruskuju strukturu mižnarodnaj złačynnaj arhanizacyi, pryčym adzin ź ich jaje ŭznačalvaŭ.
Pinčuki sprabavali atrymać prava na spadčynu z dapamohaj padroblenych dakumientaŭ. Dla hetaha vyrablali falšyvyja štampy i piačatki, a ŭ sapraŭdnyja błanki paśviedčańniaŭ ab naradžeńni i šlubie ŭnosili niesapraŭdnyja źviestki i podpisy ad imia inšych ludziej i dziaržaŭnych słužboŭcaŭ.
Zavałodać kvaterami im nie ŭdałosia, bo złačynny namier spynili siłavyja struktury.
Sud Leninskaha rajona Bresta pryznaŭ usich čatyroch vinavatymi i pryznačyŭ im ad 6 da 9 hadoŭ pazbaŭleńnia voli sa štrafami ad 250 da 600 bazavych vieličyniaŭ — ad 11 250 da 27 000 rubloŭ.
Čytajcie taksama:
Ašukancy durać školnikaŭ praz falšyvyja sajty z hatovymi chatnimi zadańniami
U Minsku 13‑hadovuju školnicu machlary prymusili vynieści z domu baćkoŭskija źbieražeńni
U Homieli znoŭ źjavilisia «biežancy z Danbasa». Machlarskaja schiema pracuje ŭžo bolš za 10 hadoŭ
U machlaroŭ novaja schiema ad imia kłapatlivych susiedziaŭ. Zamanucha — nadziejnaja