U Minsku zamiest restarana «Adesa-mama» adkryłasia kafe biełaruskaj kuchni, dzie lubaja strava kaštuje 20 rubloŭ

U Minsku na praśpiekcie Dziaržynskaha, 104, u biznes-centry «Tytan» niekalki hadoŭ pracavaŭ restaran «Adesa-mama». Ale jon zakryŭsia, a na jaho miescy adkryłasia kafe z zusim inšaj kancepcyjaj, piša Blizko.by.

Ciapier kafe pazicyjaniruje siabie jak ustanova biełaruskaj kuchni, nazyvajecca «Čajka» i pracuje štodnia z 12:00 da 23:00.

U mieniu: syrniki sa śmiatanaj i višniovym vareńniem, bulbianyja aładki ź miasam, draniki ź jaječniaj i ahurkovym sałatam, aładki sa zhuščanym małakom i čarničnym vareńniem, sieladziec z bulbaj, saleńni, hrenki z syrnym sousam, čabureki ź jałavičynaj i śvininaj, čyrvony boršč z pampuškami, rassolnik, sieladziec pad šubaj, katlety «Paparać-kvietka», klocki, jałavičnyja ščoki i inšyja stravy.

Usie asnoŭnyja stravy pradajucca pa adnoj canie: 20 rubloŭ, asobna płacicca za porcyju chleba (5 rubloŭ za 70 hramaŭ) i napoi. U budni z 12:00 da 16:00 dziejničaje źnižka ŭ 20% na ŭsio mieniu. Heta značyć, adna strava budzie kaštavać nie 20, a 16 rubloŭ.

Kamientary da artykuła