Na prysiadzibnym učastku pad Homielem spynili pracu nielehalnaj majninh-fiermy
Kamitet dziaržaŭnaha kantrolu prypyniŭ pracu majninhavaj fiermy na prysiadzibnym učastku ŭ Homielskim rajonie. Miascovy žychar niezakonna pastaviŭ tam transfarmatarnuju padstancyju i arhanizavaŭ majninh kryptavaluty.
Fota: t.me/kgk_oficial
Pravierku praviali paśla zvarotu žychara adnaho z ahraharadkoŭ, jaki paviedamiŭ pra majninh na susiednim učastku. Vyśvietliłasia, što ziamla, pryznačanaja dla viadzieńnia padsobnaj haspadarki, vykarystoŭvałasia nie pavodle svajho pryznačeńnia. Akramia taho, ustanoŭlenaje elektraabstalavańnie nie prajšło abaviazkovaj pravierki Dziarženierhahaznahladu na pravilnaść padklučeńnia i biaśpieku.
Fota: t.me/kgk_oficial
Pavodle infarmacyi KDK, značnyja abjomy elektraenierhii dla pracy fiermy apłačvalisia pavodle taryfaŭ, jakija subsidujucca dziaržavaj.
Paśla ŭmiašańnia kantrolnaha viedamstva elektraabstalavańnie adklučyli. U najbližejšy čas transfarmatarnuju padstancyju pavinny prybrać z učastka. Taksama składzieny akt ab samavolnym biezulikovym spažyvańni elektraenierhii, ciapier pravodzicca pieraraźlik płaty za jaje.
Čytajcie taksama:
U Biełarusi aktyŭna budujuć dziaržaŭnyja majninhavyja fiermy. Jany dapamohuć padniać ekanomiku?
Abmiarkoŭvajecca los Zaparožskaj AES. ZŠA tam chočuć zaniacca majninham
Nacbank choča zabaranić u Biełarusi raźliki z dapamohaj kryptavalut