Papularnaha repiera Navai zatrymali pry ŭjeździe ŭ Kazachstan z narkotykami
Rasijskaha repiera Navai (Navai Bakirava) zatrymali 13 kastryčnika na kazachstanskim pamiežnym punkcie «Kardaj» na miažy z Kyrhyzstanam pry ŭjeździe ŭ krainu. Jaho padazrajuć u sprobie kantrabandy narkotykaŭ. Paśla zatrymańnia artysta źmiaścili ŭ izalatar časovaha ŭtrymańnia, piša Kazinform.
Navai Bakiraŭ
Pavodle źviestak palicyi, padčas pravierki aŭtamabila, u jakim jechaŭ muzyka, znajšli i kanfiskavali narkatyčnaje rečyva. Jakoje mienavita rečyva i ŭ jakoj kolkaści pieravoziŭ repier, siłaviki nie paviedamlajuć.
Zaviedzienaja kryminalnaja sprava pa padazreńni ŭ zamachu na kantrabandu narkotykaŭ. Pravodzicca dasudovaje rasśledavańnie. Inšyja padrabiaznaści palicyja nie raskryvaje, spasyłajučysia na artykuł 201 Kryminalna-pracesualnaha kodeksa Kazachstana.
Navai Bakiraŭ atrymaŭ viadomaść jak udzielnik rasijskaha muzyčnaha dueta HammAli & Navai, a taksama jak solny vykanaŭca. Siarod jaho papularnych piesień — «Puścicie mianie na tancpoł», «Chovanki» i «Dziaŭčynka-vajna».
U mai 2026 hoda repier trapiŭ u avaryju ŭ centry Maskvy. Čorny Ferrari biez numarnych znakaŭ, u jakim jon znachodziŭsia, urezaŭsia ŭ śviatłafor na bulvary. Nichto nie paciarpieŭ, a paśla apytańnia muzykanta adpuścili.
Čytajcie taksama:
Narkahandlar zastreliŭ pad Kupianskam šaściarych rasijskich vajskoŭcaŭ
Baćku i syna Kabarčukoŭ, asudžanych u Biełarusi za «teraryzm», źbirajucca sudzić i va Ukrainie
U Minsku zatrymali narkakurjera sa spajsam, pra jaki nie čuli ŭžo hadoŭ dziesiać