Praca Starlink dla ŭkrainskaj armii pačała adnaŭlacca
Praca terminałaŭ spadarožnikavaj suviazi Starlink, jakimi karystajucca ŭkrainskija vajskoŭcy, pačała adnaŭlacca paśla pierabojaŭ. Pra heta 14 kastryčnika paviedamiŭ były ministr abarony Ukrainy Michaił Fiodaraŭ.
Zdymak ilustracyjny. Fota: Ivan Antypenko / Suspilne Ukraine / JSC «UA:PBC» / Global Images Ukraine via Getty Images
Pavodle słoŭ byłoha čynoŭnika, terminały znoŭ dazvalajuć raźvivać chutkaść da 160 kiłamietraŭ na hadzinu. Heta pavinna dać mahčymaść adnavić paloty ŭdarnych bieśpiłotnikaŭ i bieśpiłotnikaŭ-pierachopnikaŭ. Taksama Michaił Fiodaraŭ adznačyŭ, što nieabchodna damahčysia poŭnaha źniaćcia abmiežavańniaŭ chutkaści dla Starshield — asobnaj sietki, jakuju Starlink prapanuje dziaržaŭnym ustanovam.
Raniej paviedamlałasia, što ŭ noč na 14 kastryčnika Starshield abmiežavaŭ svaju pracu. U vyniku Uzbrojenyja siły Ukrainy byli vymušanyja admianić šerah bajavych apieracyj. Zapavoleńnie suviazi taksama vyklikała zaniepakojenaść adnosna biaśpieki ŭkraincaŭ.
Daradca prezidenta Ukrainy pa pytańniach raźvićcia technałahičnych napramkaŭ abarony Siarhiej «Fłeš» Biaskresnaŭ zajaviŭ, što Starlink vykarystoŭvajecca dla pierachopu rasijskich bieśpiłotnikaŭ «Šachied». Pavodle jaho słoŭ, abmiežavańni pazbaŭlajuć Ukrainu adnaho ź niešmatlikich efiektyŭnych srodkaŭ abarony ad takich atak.
Prablemy sa Starlink uźnikli na fonie paviedamleńniaŭ pra spynieńnie pieradačy amierykanskich raźviedvalnych źviestak Ukrainie.
Čytajcie taksama:
Sikorski pryhraziŭ Masku praz abmiežavańni Starlink dla USU
SpaceX biez papiaredžańnia abmiežavała pracu Starlink va Ukrainie. U vajskoŭcaŭ sarvalisia apieracyi
ZŠA druhi viečar zapar nie papiaredzili Ukrainu pra rasijskija rakietnyja ŭdary pa Kijevie
Va Ukrainie zapeŭnili, što ZŠA praciahvajuć pieradavać raźviedvalnyja źviestki