ZŠA druhi viečar zapar nie papiaredzili Ukrainu pra rasijskija rakietnyja ŭdary pa Kijevie
Rasijskija vojski praciahvajuć atakavać ukrainskuju enierhietyku, niahledziačy na zakliki prezidenta ZŠA Donalda Trampa da enierhietyčnaha pieramirja. Rasija ŭviečary 13 kastryčnika naniesła ŭdary balistyčnymi rakietami pa Kijevie, paviedamiŭ prezident Ukrainy Uładzimir Zialenski.
Asnoŭnaj cellu stała Darnickaja CEC-4, jakaja da pačatku vajny zabiaśpiečvała ciapłom i haračaj vadoj 8% žyłych damoŭ horada.
Adna z rakiet taksama trapiła ŭ dzieviacipaviarchovy žyły dom. Na momant paviedamleńniaŭ infarmacyi pra paciarpiełych nie było.
Pa słovach Uładzimira Zialenskaha, ukrainskija vajskoŭcy zafiksavali rakiety tolki tady, kali jany ŭžo nabližalisia da horada.
«Dakładna niespraviadliva, kali jany źniščajuć enierhietyku, a Ukraina navat nie atrymlivaje [ad partnioraŭ] papiaredžańniaŭ pra puski balistyčnych rakiet. […] Važna, kab Amieryka sapraŭdy bačyła, što adbyvajecca i chto vinavaty ŭ tym, što vajna praciahvajecca», — napisaŭ ukrainski prezident.
Raniej ukrainskija manitorynhavyja kanały taksama paviedamlali, što amierykanskaja raźviedka nie papiaredziła Ukrainu pra puski rasijskich rakiet u kirunku Kijeva.
ZŠA nie paviedamili Kijevu pra niebiaśpieku i pierad rasijskaj atakaj uviečary 12 kastryčnika. Pradstaŭnik Pavietranych sił Uzbrojenych sił Ukrainy Juryj Ihnat tady paćvierdziŭ, što papiaredžańnie pastupiła sa spaźnieńniem, ale nie vyklučyŭ techničnych prablem.
Paśla hetaha Donald Tramp zajaviŭ na bryfinhu kala Biełaha doma, što ZŠA praciahvajuć abmieńvacca raźvieddanymi z Ukrainaj. Amierykanskaja raźviedka taksama papiaredziła Kijeŭ pra niebiaśpieku masiravanych abstrełaŭ na praciahu nastupnych 48 hadzin.
Apošnimi dniami Tramp krytykuje Zialenskaha za ŭdary ŭkrainskich vojskaŭ pa rasijskich naftapierapracoŭčych zavodach. Na fonie kryzisu, vyklikanaha vajnoj u Iranie, Vašynhton maje namier adkryć rynki dla rasijskaha dyzielnaha paliva. Pry hetym, pavodle amierykanskaha boku, ukrainskaja kampanija suprać rasijskaj naftapierapracoŭki pieraškadžaje hetym płanam.
Jak paviedamlali Financial Times i Bloomberg, amierykanskija čynoŭniki, a taksama śpiecyjalny pasłańnik Styŭ Uitkaf i ziać Trampa Džared Kušnier pahražali ŭkrainskim uładam spynieńniem abmienu raźvieddanymi i błakavańniem miechanizmu pastavak uzbrajeńniaŭ, kali Uzbrojenyja siły Ukrainy nie spyniać ataki na rasijskija naftapierapracoŭčyja zavody.
Va Ukrainie zapeŭnili, što ZŠA praciahvajuć pieradavać raźviedvalnyja źviestki
Sibiha: Mienš čym za dva hady Ukraina prajšła šlach ad «u vas niama kart» da «nie hulajcie svaimi kartami»
ZŠA i Jeŭropa raspracoŭvajuć mirny płan, jaki daść Ukrainie harantyi biaśpieki, a Rasii — ekanamičnyja vyhady
Tramp zajaviŭ pra mocnuju asabistuju niepryjaznaść pamiž Zialenskim i Pucinym
«Palić naftapierapracoŭčyja zavody». Kit Kiełah paraiŭ, što treba rabić Ukrainie paśla papiaredžańniaŭ Trampa
Zialenski: Paśla abvieščanaha Trampam pieramirja Ukraina nivodnaha razu nie ŭdaryła pa NPZ, a Rasija — šeść razoŭ pa enierhietyčnych abjektach
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam2
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ55
Kamientary