U Minsku pabudujuć dva novyja puciepravody
Most praz Čyžoŭskaje vadaschovišča stanie praciaham vulicy Malinina ŭ bok Łošycy. Jašče adzin puciepravod płanujuć pabudavać u rajonie vulic Siarova i Paŭła Špileŭskaha.
Pra płany raskazaŭ dyrektar «Hardarbuda» Siarhiej Panioŭ «Minsk-Navinam».
Puciepravod u rajonie vulic Siarova i Paŭła Špileŭskaha projdzie praz čyhunku. Prajekt praduhledžvaje vyvad paŭdniovaj mahistrali praz vulicu Asanalijeva i budaŭnictva paŭnavartasnaha skryžavańnia. Taksama daviadziecca pierabudavać padjezdy da pramysłovaj zony, dzie znachodziacca «Rybakompleks», «Kieramin» i kambinat «Kleon».
Most praz Čyžoŭskaje vadaschovišča dazvolić praciahnuć vulicu Malinina ŭ bok Łošycy.
Asobnyja płany datyčacca «Paŭnočnaha bieraha». Vulicu Šyrokuju chočuć praciahnuć ad Zialonaha Łuha da novaha mikrarajona. Spačatku płanujuć pačać prajektavańnie, a zatym — budaŭnictva.
Akramia taho, razhladajecca mahčymaść prajektavańnia i budaŭnictva dźviuch raźviazak na MKAD — u praciah vulic Karastajanavaj i Navavilenskaj.
Dakładnych terminaŭ budaŭnictva nie nazyvajuć.