Viečar pamiaci Natalli Adamovič adbudziecca ŭ Varšavie
Viečar pamiaci fiłołaha zachavalnicy spadčyny Alesia Adamoviča, muziejnaj supracoŭnicy Natalli Adamovič projdzie ŭ Muziei Volnaj Biełarusi ŭ Varšavie 18 kastryčnika, piša «Biełsat».
Padčas mierapryjemstva arhanizatary prapanujuć uzhadać pracu Natalli Adamovič ź siamiejnym archivam piśmieńnika Alesia Adamoviča, addanaść muzieju Jakuba Kołasa i padtrymku inicyjatyŭ, što zachoŭvajuć pamiać pra Adamoviča.
Tych, chto žadaje dałučycca da padziei, čakajuć u Muziei Volnaj Biełarusi a 14:00.
Da viečara stvorana miemaryjalnaja staronka
Natalla Adamovič — adzinaja dačka biełaruskaha piśmieńnika i humanista Alesia Adamoviča. Paśla śmierci baćki jana zachoŭvała i vyvučała siamiejny archiŭ, dapamahała daśledčykam, źbirała materyjały i adstojvała prava vydavać tvory Alesia Adamoviča biez cenzury. Taksama Natalla była nierazryŭna źviazanaja z historyjaj premii imia Alesia Adamoviča, jakaja była zasnavanaja paśla śmierci piśmieńnika.