Marharyta Laŭčuk viartajecca na scenu. Buduć i vystupleńni z Pavukom

Śpiavačka Marharyta Laŭčuk paśla paŭzy, źviazanaj z naradžeńniem syna, viartajecca na scenu i anansavała šerah kancertaŭ u roznych haradach i krainach, u roznych žanrach i sumiesna ź inšymi vykanaŭcami.

Marharyta Laŭčuk i Andrej Pavuk. Fota: facebook.com/andreypavuk

U najbližejšyja miesiacy hladačy ŭ roznych krainach Jeŭropy zmohuć pačuć śpiavačku ŭ roznych ampłua:

14 listapada ŭ kiprskim Limasole — kłasika Novaha Śvietu «New World Classics» sumiesna ź pijanistam Kiryłam Kiedukom. Kamiernaja prahrama dla 70 słuchačoŭ, pryśviečanaja muzycy XX stahodździa z Paŭnočnaj i Łacinskaj Amieryki. U repiertuary — tvory Džordža Hieršvina, Leanarda Biernstajna, Astara Pjacoły, Ejtora Viła-Łobasa i Albierta Chinastery.

20 listapada ŭ Vilni — džazavyja pračytańni kłasiki «Jazzing the Classics» sumiesna z Paŭłam Arakielanam i hurtom Outsiders u Vilni. Akademičnyja aryi i viadomyja miełodyi Hryha, Šubierta, Sien-Sansa i Hieršvina ŭ aryhinalnych džazavych aranžyroŭkach.

27 listapada ŭ Vilni, 29 listapada ŭ Biełastoku, 4 śniežnia ŭ Varšavie, 5 śniežnia ŭ Krakavie i 6 śniežnia va Urocłavie — satyryčnaje šou Tur «Krasnaja Zieleń» sumiesna z Andrejem Pavukom. Humarystyčna-satyryčny prajekt ź pieśniami pra aktualnyja realii, čynoŭnikaŭ i žyvym interaktyvam z załaj.

25 śniežnia ŭ Koŭnie i Vilni, 26 śniežnia ŭ Varšavie i 27 śniežnia ŭ Ryzie — kaladnaje turne «HOLY NIGHT» sumiesna z mužčynskim choram Unia. Supolnaja prahrama ŭ chramach Jeŭropy, dzie spałučajucca mahutnaść mužčynskaha choru i saprana. U prahramie — rańniechryścijanskija kaladnyja tvory, śpievy reniesansa i baroka, biełaruskija, ukrainskija, polskija, litoŭskija i irłandskija kaladki, a taksama sučasnyja viadomyja i lubimyja kaladnyja pieśni.

Kamientary da artykuła