Tramp adkazaŭ, ci ličyć jon Pucina humanistam
«U cełym ja b nie staŭ davać adnaznačnych acenak», — skazaŭ prezident ZŠA.
Uładzimir Pucin. Fota: Ramil Sitdikov / Pool Photo via AP
Prezident ZŠA Donald Tramp dapuściŭ, što Uładzimira Pucina možna nazvać humanistam paśla vyzvaleńnia amierykanca Styviena Chabarda, ale adznačyŭ, što ŭ cełym nie staŭ by davać rasijskamu lidaru adnaznačnuju acenku.
«Miarkuju, što ŭ dadzienym kankretnym vypadku — u tym sensie, što jon dazvoliŭ vyjści na svabodu čałavieku, jakomu pahražała pažyćciovaje źniavoleńnie, — možna skazać i tak. Ale ŭ cełym ja b nie staŭ davać adnaznačnych acenak», — skazaŭ Tramp padčas kruhłaha stała ŭ Biełym domie, paviedamlaje CBS.
Raniej padčas sustrečy z rasijskim lidaram u Sankt-Pieciarburhu śpiecyjalny pasłańnik ZŠA Styŭ Uitkaf nazvaŭ Pucina humanistam. Jon padziakavaŭ prezidentu za vyzvaleńnie amierykanca i zajaviŭ, što toj zasłuhoŭvaje takoj acenki.