Pratesty ŭ Siryi pieraraśli ŭ paŭstańnie. Žychary adnaho z haradkoŭ vyrazali ŭvieś štat śpiecsłužbaŭ
Bolš za 120 aficeraŭ siryjskaj biaśpieki byli zabityja ŭ paniadziełak u horadzie Džyzr al-Šuhur.
Bolš za 120 aficeraŭ siryjskaj biaśpieki byli zabityja ŭ paniadziełak u horadzie Džyzr al-Šuhur.
Raniej paviedamlałasia ab 40 zabitych.
Jak adznačajuć suśvietnyja infarmacyjnyja ahienctvy, hetaje supraćstajańnie možna ličyć pavarotnym momantam u 11-tydniovych sutyčkach manifiestantaŭ i ŭradavych vojskaŭ. Pratesty pierachodziać u formu adkrytaha paŭstańnia.
Zhodna z paviedamleńniem dziaržaŭnaha telebačańnia, u horadzie adbyłasia «sapraŭdnaja bojnia», niekatorym zabitym adrezali hałovy, inšych kinuli ŭ raku Aront.
Bolšuju častku supracoŭnikaŭ siłaŭ pravaparadku zabili pry šturmie štab-kvatery haradskoha ŭpraŭleńnia słužby biaśpieki.
Siryjski ŭrad abiacaje «žorstka» adkazać na takija pratesty: «My budziem dziejničać žorstka, i rašuča, i ŭ adpaviednaści z zakonam. My nie staniem ihnaravać jakijaści ŭzbrojenyja vystupleńni, nakiravanyja suprać sił pravaparadku i mirnych hramadzian », -- zajaviŭ ministr unutranych spravaŭ Siryi Ibrahim Šaar.
Siamja Asadaŭ kiruje Siryjaj užo 40 hadoŭ.Spačatku na čale krainy stajaŭ Chafez Asad, paśla jahonaj śmierci jaho źmianiŭ syn, Bašar. U minułym jany nie raz rasstrelvali vuličnyja pratesty. Na hety raz, adnak, situacyja vyjšła z-pad kantrolu. Niahledziačy na ŭžyćcio siły śpiecsłužbami, vystupy praciahvajucca ŭ roznych častkach krainy. Ich padtrymali jak musulmanskaja apazicyja, tak i śvieckija libierały, i siryjskaja emihracyja.
Situacyja ŭskładniajecca tym, što Asady naležać da relihijnaj mienšaści ŭ krainie -- ałavitaŭ, tady jak bolšaść nasielnictva składajuć sunity. U vyniku Asady ŭkamplektavali ałavitami śpiecsłužby, na jakija i abapiralisia.
Svaju nianaviść da režymu sunity, druzy i kurdy pieranosiać na ałavitaŭ, što moža pryvieści da kryvavaj bojni.
Tamu, kali pravaabaroncy i intelektuały Zachadu salidaryzavalisia ź siryjskaj apazicyjaj, zachodniaja dypłamatyja reahuje na padziei ŭ Siryi strymana. Praz zakrytaść krainy śviet dahetul dakładna nie viedaje, što za siły stajać na čale vystupaŭ.