Zabity hałoŭnakamandujučy livijskich paŭstancaŭ: mahčyma, svaimi ž, za zdradu

Zabili jaho pa darozie na dopyt u paŭstanckaj śpiecsłužbie.

Pry tajamničych abstavinach zahinuŭ hałoŭnakamandujučy livijskich paŭstancaŭ. Jon byŭ u Kadafi ministram unutranych spraŭ, ale adnych ź pieršych pierajšoŭ na bok paŭstańnia. Zabili jaho pa darozie na dopyt, kudy jaho vyklikali pa padazreńni ŭ tym, što jahonaja siamja praciahvaje supracoŭničać z Muamaram Kadafi.

Pra heta paviedamlaje sajt telekanała «Al-Džazira». Razam ź Junesam zahinuli i dva jahonyja pamočniki.

Paviedamleńni ź Bienhazi prychodziać supiarečlivyja. Niajasna, ci Abdel Fatach Junes byŭ zabity da dopytu, ci paśla jaho

Junes kiravaŭ vajennaj kampanijaj paŭstancaŭ.

Staršynia pierachodnaj nacyjanalnaj rady (PNR) Livii Mustafa Abdel-Džalil začytaŭ zajavu pra zabojstva Junesa z papierki. Pavodle aficyjnaj viersii paŭstancaŭ, Junes byŭ zabity z ahniastrelnaj zbroi, trapiŭ u zasadu.

Abdel-Džalil nazvaŭ viersiju, što hałoŭnakamandujučy byŭ zastreleny samimi paŭstancami, «čutkami, jakija raspaŭsiudžvajuć prychilniki Kadafi».

Pa słovach Abdel-Džalila, adnaho z napadnikaŭ zatrymali, šukajuć inšych.

Abdel-Džalil nazvaŭ Junesa hierojem revalucyi.

Cikava, što adrazu paśla pres-kanfierencyiAbdel-Džalila kala hatela «Tybiesty», dzie jana pravodziłasia, taksama vybuchnuła stralanina.

U sieradu Junesa adklikali z frontu rašeńniem PNR dla praviadzieńnia dopytu, bo źjavilisia padazreńni, što jon supracoŭničaje z Kadafi.

Mierkavali, što Junes adpraŭlaje ŭ Trypali zbroju, jakaja traplaje ŭ ruki miaciežnikaŭ.

Tym časam paŭstancy raspačali čarhovy nastup na zachadzie Livii.

Kamientary da artykuła