Movu viartajuć u mietro paśla zvarotaŭ hramadzian

Zaraz rolik pra ŭzajemnuju vietlivaść pierazapisvajuć pa-biełarusku.

Infarmacyja pra toje, što ŭ mietro rusifikavali abjavu, jakaja zaklikała sastupać miesca ciažarnym i ludziam stałaha vieku, vyklikała ŭ internecie haračaje abmierkavańnie. Aburanyja zvužeńniem śfiery ŭžytku movy internet-karystalniki prapanavali źbirać podpisy za viartańnie biełaruskamoŭnaj sacyjalnaj rekłamy.

Ludzi skiroŭvali i indyvidualnyja piśmovyja zvaroty da kiraŭnictva Minskaha mietrapalitena. «My atrymali niekalki zvarotaŭ ad hramadzian, — raspavioŭ NN načalnik elektradepo «Maskoŭskaje» Andrej Michajłoŭski. — Kiraŭnictva razhledzieła ich, i było vyrašana hetyja zvaroty zadavolić. Tamu zaraz rolik pierazapisvajuć žanočym hołasam, ale pa-biełarusku.

U mietro vy zmožacie jaho pačuć praz tydzień ci dva — pakul rolik budzie hatovy, i pakul my raspaŭsiudzim fanahramu

My zaŭždy prysłuchoŭvajemsia da mierkavańniaŭ hramadzian».

Kamientary da artykuła