23 śniežnia: Skarby biełaruskich miastečak — lekcyja Zachara Šybieki

23 śniežnia, amal u samuju vihiliju Kaladnaha śviata, znaŭca haradskoj cyvilizacyi, viadomy historyk, prafiesar Zachar Šybieka pračytaje lekcyju «Skarby biełaruskich miastečkaŭ: nabytki, straty, nadziei na adradžeńnie» ŭ mastackaj halerei tvoraŭ Ł.Ščamialova (pr. Rakasoŭskaha, 49).

Viadoma, skarby majuć typovy los: stvarajucca, razburajucca, a potym uznaŭlajucca. Hety praces lektar vobrazna paraŭnoŭvaje z chryścijanskimi ŭjaŭleńniami pra zhublenaść raju i prapanuje słuchačam svajej lekcyi čatyry siužety:

1. «Raj» pieršapačatkovy: histaryčny narys miastečak i acenka ich historyka-kulturnaj spadčyny.

2. «Raj» stračany: ahlad razburanych pomnikaŭ architektury, acenka ludskich strat, zhublenych knižnych zboraŭ, muziejnych i inšych kulturnych kaštoŭnaściaŭ.

3. «Raj» zachavany i ŭznoŭleny: akceptacyja ŭvahi na zachavaŭšychsia pomnikach architektury, historyi i kultury, a taksama adlustravańnie dziaržaŭnaj palityki pamiaci (restaŭracyja, muzieizacyja, miemapyjalizacyja, restytucyja).

4. Klučy ad «raju» — klučy, jakija pradastaŭlaje paznavalny navukovy turyzm: acenka ŭzroŭniu raźvićcia hetaha turyzmu ŭ Biełarusi, infarmacyja ab krynicach viedaŭ pra byłyja miastečki (archivy, sajty, knihi), praktyčnyja parady pa vypracoŭcy turystyčnych maršrutaŭ i mietadaŭ arhanizacyi turyzmu.

Dla ludziej charakternaja idealizacyja minułaha, nastalhija pa minułym. Važna zrazumieć, što na hetaj idealizacyi i nastalhii ludziej pa minułym trymajecca sučasny turystyčny biźnies. Turyzm prezientuje kulturu minułaha, nacyjanalnuju tradycyju.

Zachar Šybieka pasprabuje acanić rolu byłych biełaruskich miastečak u raźvićci turyzmu, pakazać ich historyka-kulturny patencyjał i vyznačyć niekatoryja miery, jakija b spryjali rostu zapatrabavanaści hetaha patencyjału.

Pačatak lekcyi, a 18.30.

Kamientary da artykuła