Biełaruskija bijatłanisty zastalisia biez patronaŭ praz embarha ES
Hiermanskaje pradstaŭnictva finskaj kampanii Lapua nie atrymała dazvołu vykanać zamovu.
na fota -- lidar biełaruskaj zbornaj Darja Domračava.
Biełaruskaja zbornaja pa bijatłonie zastajecca biez patronaŭ. Ułady Niamieččyny nie dajuć dazvołu na ekspart patronaŭ u Biełaruś. Na heta narakajuć biełaruskija dziaržaŭnyja ŚMI.
Pa ich infarmacyi,
biełaruski bok jašče 20 śniežnia 2011 hoda zrabiŭ pieradapłatu ŭ pamiery 34 tysiač jeŭra.
Staršynia dyrektarata nacyjanalnych kamand Ministerstva sportu i turyzmu Biełarusi Andrej Fomačkin abiacaje, što nieabchodny zapas patronaŭ dla padrychtoŭki i vystupu na čempijanacie śvietu ŭ hiermanskim Rupaldynhu i na etapie Kubka śvietu ŭ Chanty-Mansijsku dla nacyjanalnaj kamandy majecca. Adnak
zamoŭlenyja ŭ Lapua patrony vyrableny piersanalna dla stvałoŭ kožnaha člena kamandy i dakładnaść pry vykarystańni inšych bojeprypasaŭ skaračajecca na 3-5%.
Jeŭrasajuz uvioŭ embarha na pastaŭku ŭzbrajeńniaŭ i vajskovaj techniki ź Jeŭrasajuza ŭ Biełaruś jak dyktatarskuju krainu. Niamieččyna zajmaje asabliva pryncypovuju pazicyju ŭ hetym pytańni. Tym nie mienš,
biełaruskija funkcyjaniery ličać, što spartyŭnyja patrony pad hetaje rašeńnie ES nie pavinny traplać.
Sankcyi suprać režymu Alaksandra Łukašenki byli ŭviedzieny za sistematyčnyja parušeńni pravoŭ čałavieka. U pryvatnaści,
Jeŭrasajuz padazraje vysokich biełaruskich čynoŭnikaŭ u falsifikacyi vybaraŭ i vykradańni ludziej.