2—4 maja — konkurs vykanaŭcaŭ imia Maniuški
2--4 maja ŭ Biełaruskim dziaržaŭnym muzyčnym akademičnym teatry projdzie Adkryty fiestyval-konkurs maładych vykanaŭcaŭ imia Stanisłava Maniuški "Ubielskaja łastaŭka".
Voźmuć udzieł 35 maładych vakalistaŭ z roznych rehijonaŭ Biełarusi. Pieršy (adboračny) tur konkursu adbyŭsia ŭ muzyčnych navučalnych ustanovach Biełarusi ŭ lutym-sakaviku 2012 hoda, II i III tury projduć u Muzyčnym teatry 2 i 3 maja. U II tury ŭdzielnikam prapanujecca vykanać kłasičnuju aryju i biełaruskuju narodnuju pieśniu, u III tury konkursu -- tvor S. Maniuški (pieśniu abo ramans) i ramans (rasiejskaha, zamiežnaha ci sučasnaha kampazitara XX--XXI st).
Staršynia žury - zasłužany artyst Biełarusi Viktar Skarabahataŭ.
Junaki i dziaŭčaty, jakija zojmuć I - III miesca, atrymajuć dypłomy łaŭreataŭ konkursu i kaštoŭnyja pryzy. Taksama buduć uručanyja pryzy za najlepšaje vykanańnie tvoraŭ S. Maniuški i najlepšaje vykanańnie biełaruskaj pieśni. Uznaharodžańnie pieramožcaŭ konkursu i finalny hała-kancert projduć 4 maja ŭ horadzie Červień Minskaj vobłaści.