Šviedskija pieśni pa-biełarusku — 25 maja

22.05.2012 / 11:40

Nashaniva.com

25 maja ŭ 18.30 u Dziaržaŭnym muziei historyi biełaruskaj litaratury ŭ miežach Dzion šviedskaj kultury adbudziecca muzyčnaja viečaryna «Ja strunaŭ mieŭ čatyry…»

pryśviečanaja šviedskamu paetu Danu Andersanu.

Dan Andersan naradziŭsia ŭ 1888 hodzie i zaŭčasna pajšoŭ z žyćcia ŭ 1920-m. Pieśni na jaho vieršy dahetul papularnyja ŭ Šviecyi, a na radzimie paeta štohod prachodzić litaraturna-muzyčny fiestyval u jaho honar. Niadziŭna, što mnohija vieršy Dana Andersana ŭvasobilisia ŭ pieśniach: jaho paezija vielmi muzykalnaja.

Na muzyčnaj viečarynie pieśni prahučać pa-šviedsku i pa-biełarusku

ŭ vykanańni Safii Lilji, Alaksieja Žbanava, Viktara Rudenki i Kiryła Staraścienki. Šviedskija muzyki Macijas Śviensan, Maryja Łarsan i Safija Lilja buduć akampanavać na hitary, skrypcy i flejcie. Na biełaruskuju movu vieršy Andersana pierakłała Alesia Bašarymava.

Viadoŭca imprezy — Valaryna Kustava.

Uvachod volny.

Čytajcie taksama:

Kamientary da artykuła