Siońnia — prezientacyja knihi «Vialikaje Kniastva Litoŭskaje» U. Arłova i Z. Hierasimoviča

U 495-ja ŭhodki pieršaj knihi Skaryny (6.08.1517).

Impreza projdzie ŭ Centralnaj navukovaj biblijatecy imia Jakuba Kołasa NAN Biełarusi (Surhanava, 15). Pačatak a 16.30.

Čakajecca, što ŭ prezientacyi voźmuć udzieł nie tolki aŭtary, ale i historyki Anatol Hryckievič i Uładzimir Lachoŭski, navukovy redaktar knihi Źmicier Sańko. Viadoma ž, možna budzie nabyć knihu.

Šykoŭna vydadzienaje «Vialikaje kniastva» — niby praciah knihi Arłova i Hierasimoviča «Kraina Biełaruś», što vychodziła 5-tysiačnym nakładam i całkam raskupiłasia. Heta sapraŭdny daviednik pa časach VKŁ i nie tolki. Kniha pačynajecca materyjałami ab suisnavańni bałtaŭ i słavianaŭ na biełaruskich ziemlach, a skančajecca siońniašnim dniom biełarusaŭ u Litvie.

«Dzień dla prezientacyi byŭ abrany nievypadkova, — adznačaje Uładzimir Arłoŭ. — Jakraz 6 žniŭnia Francysk Skaryna vydaŭ pieršuju biełaruskuju drukavanuju knihu».

Kamientary da artykuła