Jaje košt składaje 350 tysiač rubloŭ.
Pamiatajecie knihu «Kraina Biełaruś»? Taki vializny falijant, unikalnaja kniha ŭ cudoŭnaj palihrafii, z vyjavami socień artefaktaŭ? Drukavanaja ŭ Słavaččynie, jana chutka pradałasia. Dyk voś, majem praciah.Tyja samyja aŭtary, piśmieńnik Uładzimir Arłoŭ i mastak Źmicier Hierasimovič, vydali praciah: «Vialikaje Kniastva Litoŭskaje» — 400 staronak historyi i blizu 2000 ilustracyj, niekatoryja ź jakich biełaruskija čytačy nikoli nie bačyli.
Šykoŭna vydadzienaje «Vialikaje kniastva» — sapraŭdny daviednik pa časach VKŁ i nie tolki.Kniha pačynajecca materyjałami ab suisnavańni bałtaŭ i słavianaŭ na biełaruskich ziemlach, a skančajecca siońniašnim dniom biełarusaŭ u Litvie.
«Čytača čakaje sustreča z vydatnymi histaryčnymi asobami: palitykami, vojenačalnikami, aśvietnikami. — pišuć aŭtary. — Kniha znajomić z žyćciom i pobytam, vajskovymi pieramohami i kulturnymi dasiahnieńniami prodkaŭ. Na asnovie histaryčnych faktaŭ davodzicca, što najmieńni «Litva» i «lićviny» na praciahu niekalkich stahodździaŭ byli nazovami Biełarusi i biełarusaŭ».
Arłoŭ i Hierasimovič abiacajuć, što
kniha zmoža złamać peŭnyja histaryčnyja stereatypy, a niekatoryja źviestki stanuć dla čytačoŭ sapraŭdnaj siensacyjaj.
«U adroźnieńni ad stvaralnikaŭ «Encykłapiedyi Vialikaha Kniastva Litoŭskaha», my sa Źmitrom Hierasimovičam vyrašyli nie abmiažoŭvacca chranałahičnymi miežami isnavańnia VKŁ, — raskazvaje Uładzimir Arłoŭ. — Bo pry takim padychodzie
Kali hadzińnik Vialikaha Kniastva spyniŭsia, sama ideja praciahvała isnavać.VKŁ było na karotki čas adnoŭlena ŭ 1812 hodzie, za viartańnie dziaržaŭnaści zmahalisia paŭstancy ŭ 1831 hodzie. U pačatku XX stahodździa biełaruskija nacyjanalnyja dziejačy na čale z Antonam Łuckievičam vystupili ź idejaj stvarenia kanfiederacyi Vialikaha Kniastva Litoŭskaha.
Ci šmat chto viedaje, što 24 vieraśnia 1939 hoda ŭ aktavaj zale Vilenskaj biełaruskaj himnazii adbyłasia ŭračystaść z nahody dałučeńnia Vilni da Biełarusi «na vieki viakoŭ», dzie prysłanyja ź Minska savieckija kiraŭniki vystupali razam ź vilenskimi biełaruskimi dziejačami?Ci pra toje, što paśla vyhnańnia z terytoryi SSSR nacysckich akupantaŭ, uźnikli peŭnyja ŭmovy dla viartańnia horada ŭ skład BSSR, u suviazi z čym Litoŭskaja ŭradavaja delehacyja jeździła na pryjom da Stalina? Naturalna, nijakich terytaryjalnych pretenzij da sučasnaj Litvy my nie majem…»
Nakład knihi — 5000 asobnikaŭ. Nabyć «Vialikaje Kniastva» možna ŭ kniharoŭ i ŭ «Akademknizie»,jaje košt — 350 tysiač rubloŭ, što dla vydańnia takoha kštałtu, zusim niadoraha.
I jašče adna siensacyja ad Arłova i Hierasimoviča:
druhoje dapoŭnienaje vydańnie knihi «Kraina Biełaruś» vyjšła nakładam u 3000 asobnikaŭ i taksamavoś-voś źjavicca ŭ kramach.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?4
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary