Litoŭskaja čyhunka: skasavańnie kantrakta na pastaŭku biełaruskaha kaliju nie aznačaje spynieńnia tranzitu ŭhnajeńniaŭ
Litva da 1 lutaha skasuje kantrakt na pieravozku biełaruskaha kaliju. Adnak skasavańnie jašče nie aznačaje, što tranzit kalijnych uhnajeńniaŭ praź Litvu spynicca, adznačaje Litoŭskaja čyhunka.
«Litoŭskaja čyhunka» (LTG) udakładniaje, što ŭ hetaj historyi jość dva niuansy.
Pieršy — zajaŭki ŭ jaje daččynuju kampaniju LTG Cargo na pieravozku biełaruskich uhnajeńniaŭ mohuć padavać i inšyja kampanii, jakija zajmajucca transparciroŭkaj hruzaŭ.
Adna z hałoŭnych umoŭ, kab takija firmy nie fihuravali ŭ sankcyjnych śpisach. Faktyčna, akramia LTG, transparciroŭkaj kaliju praź Litvu moža zajmacca i inšaja kampanija-pieravozčyk, pry hetym vykarystoŭvać infrastrukturu Litoŭskaj čyhunki.
Druhi niuans zaklučajecca ŭ tym, što zajaŭka na transparciroŭku ŭhnajeńniaŭ moža pastupić nie ad samoha «Biełaruśkalija», a ad inšaj kampanii.
— «Biełaruśkalij» — nie adzinaja kampanija, jakaja moža zamović pieravozku hetaha hruzu. Da LTG Cargo pa-raniejšamu mohuć źviartacca inšyja kampanii, nie ŭklučanyja ŭ sankcyjnyja śpisy, — tłumačać u LTG.
«Litva dałučyłasia da mižnarodnych pahadnieńniaŭ, na padstavie jakich isnujučyja abo patencyjnyja klijenty mohuć padavać svaje zajaŭki na pieravozku biełaruskich uhnajeńniaŭ. Heta aznačaje, što ŭ LTG Cargo pavinny być važkija pravavyja padstavy dla admovy ŭ pieravozcy takoha hruzu», — havorycca ŭ paviedamleńni LTG.
Kampanija abiacaje prakansultavacca ź litoŭskimi čynoŭnikami nakont novaj situacyi.
Z 1 lutaha Litva skasuje pahadnieńnie pamiž Litoŭskaj čyhunkaj i «Biełaruśkalijem»
Šrajbman: Heta budzie samy mocny adnamomantny ekanamičny ŭdar z usiaho, što Zachad rabiŭ ź Minskam dahetul
«Heta byŭ asnoŭny łahistyčny kalidor». Jak ciapier «Biełaruśkalij» budzie pastaŭlać pradukcyju na ekspart?
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska36
Kamientary