Zatrymany lidar AHP Mikałaj Kazłoŭ, iduć masavyja pieratrusy ŭ inšych partyjcaŭ
Siarod tych, da kaho pryjšli a 7-j ranicy, u pryvatnaści, staršynia Minskaj haradskoj arhanizacyi Abjadnanaj hramadzianskaj partyi Aksana Alaksiejeva, paviedamlaje «Viasna».
«Apryčniki abrali Dzień pryniaćcia Dekłaracyi ab niezaležnaści dla čarhovych začystak. Zatrymany Mikoła Kazłoŭ — lidar AHP. Pahrukalisia i da inšych čalcoŭ partyi. Nastup na apošniuju arhanizavanuju vyspu supracivu pačaty. Heta vajna», — napisaŭ u Fejsbuku były kiraŭnik Abjadnanaj hramadzianskaj partyi Anatol Labiedźka.
Taksama zatrymana staršynia Minskaj haradskoj arhanizacyi AHP Aksana Alaksiejeva. Da jaje pryjšli a 7 ranicy, paviedamlajuć pravaabaroncy «Viasny».
55-hadovy Mikałaj Kazłoŭ pracavaŭ padpałkoŭnikam milicyi, 17 hadoŭ adpracavaŭ u kryminalnym vyšuku. U 2008 hodzie jaho pasłali achoŭvać vybarčy ŭčastak na Niamizie, i jon staŭ śviedkam, jak staršynia ŭčastkovaj kamisii Alaŭcina Hładkaja i namieśnik staršyni Alaksiej Piatnica ŭvajšli ŭ apiačatany pakoj i ŭkinuli ŭ skryniu dla hałasavańnia pački biuleteniaŭ. Kazłoŭ, jaki da taho nie ŭjaŭlaŭ sabie, što łukašysty falsifikujuć vybary, napisaŭ pra heta rapart načalstvu, a kali zachadaŭ nichto nie zrabiŭ, paviedamiŭ u niezaležnuju presu. Kazłova prasili adklikać rapart, kab zamiać spravu, ale jon prajaviŭ pryncypovaść i pajšoŭ u zapas.
U 2012 hodzie ŭstupiŭ u Abjadnanuju hramadzianskuju partyju, u lipieni 2016 hoda abrany namieśnikam staršyni partyi.
4 maja 2021 hoda Alaksandr Łukašenka, pomściačy, adniaŭ u Kazłova zvańnie padpałkoŭnika zapasu. Kazłoŭ byŭ palitźniavolenym: jaho abvinavacili ŭ «razhałošvańni danych» pa kryminalnaj spravie suprać Kaardynacyjnaj rady. Prakuror Vadzim Łałua i sudździa Taćciana Šocik aformili rašeńnie adpravić jaho za kraty.
U źniavoleńni Kazłova try miesiacy pratrymali ŭ adzinočnaj kamiery. Kab nie stracić navyk razmaŭlać, jon uhołas sabie čytaŭ, raskazvaŭ jon u intervju.
Čytajcie taksama: Staršynia AHP Mikałaj Kazłoŭ paśla vychadu na volu: Źjazdžać ź Biełarusi nie źbirajusia
«Kanapackaja chłusić!» Mikałaj Kazłoŭ ščyra raskazvaje pra palityku, hrošy i svaju pracu ŭ milicyi
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary