Pradstaŭnik Biełarusi ŭ AAN padziakavaŭ Ukrainie za vyniasieńnie pytańnia pra jadziernuju zbroju. Ale heta byŭ śpiecyfičny humar
Pastajanny pradstaŭnik Biełarusi pry AAN Valancin Rybakoŭ vystupiŭ na pasiadžeńni Rady Biaśpieki AAN ab raźmiaščeńni taktyčnaj jadziernaj zbroi Rasii na terytoryi Biełarusi, pieratvaryŭšy svajo vystupleńnie ŭ kłaŭnadu.
Rybakoŭ u svaim vystupleńni, jak i ŭ cełym zamiežnapalityčnaje viedamstva režymu Łukašenki apošnija hady, trymaŭsia raźviaznaha, padkreślena niedypłamatyčnaha i navat chamskaha stylu, jaki łukašysty całkam pieraniali ad svaich rasijskich kaleh paśla taho, jak stała zrazumieła, što pra niejkija dypłamatyčnyja ździajśnieńni na zachodnim kirunku možna zabycca.
Asnoŭnaj «zbrojaj» pry hetym robicca tak zvany «votebaŭtyzm» (whataboutism), to-bok padmiena tezisaŭ. Dypłamaty pry hetym vystupajuć faktyčna nie ŭ jakaści pradstaŭnikoŭ svajoj prafiesii, a vykonvajuć funkcyi biessaromnych i cyničnych prapahandystaŭ.
Tak, Rybakoŭ padziakavaŭ Ukrainie za vyniasieńnie pytańnia na siońniašniaje pasiadžeńnie Rady Biaśpieki i adznačyŭ, što mižnarodnaja supolnaść, maŭlaŭ, musić «źviarnuć samuju pilnuju ŭvahu na toje, jakuju realnuju niebiaśpieku niasuć sumiesnyja jadziernyja misii NATA i šmathadovaje raźmiaščeńnie jadziernaj zbroi Złučanymi Štatami za miežami svajoj nacyjanalnaj jurysdykcyi».
Maŭlaŭ, Ukraina pavinna zapatrabavać ad NATA spynić takuju praktyku, a ad ZŠA — vyvieści svaju jadziernuju zbroju ź Bielhii, Hiermanii, Niderłandaŭ, Italii i Turcyi.
Akramia taho, havoračy pra parušeńni pravoŭ čałavieka, jakija «nibyta» isnujuć u Biełarusi, Rybakoŭ paraiŭ zachodnim krainam raźbiracca z takimi prablemami ŭ ichnich krainach, bo tam parušeńni robiacca ŭžo nie «nibyta». «Nie sprabujcie navat razvažać pra žadańni biełaruskaha naroda pry pryniaćci biełaruskim narodam najvažniejšych unutrypalityčnych rašeńniaŭ u krainie. Vy nie majecie anijakaha ŭjaŭleńnia, što dumaje nasamreč biełaruski narod», — zajaviŭ z vysokaj trybuny dypłamat-prapahandyst.
I dalej praciahvaŭ u tym ža samym duchu, zhadaŭšy siarod inšaha, što «my možam dać, naprykład, stenahramu razmovy jakich-niebudź babul, jakija siadziać kala padjezda, jakich my paprosim parazvažać na temy mižnarodnaj biaśpieki. Ja vas zapeŭnivaju, taki dakumient budzie mieć nie mienšuju, a moža być i bolšuju kaštoŭnaść, čym toj, jaki vy pradstavili».
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary