Fant-Azija
Klatva (Wu ji).
Kitaj–Hankonh–Japonija–Paŭdniovaja Kareja, 2005, kalarovy, 128 chv.
Žanr: fant Azija (Kitajskaja histaryčnaja kazka).
Adznaka: 8,5 (z 10).
U 80-ja hady ŭ Hankonhu kryštalizavaŭsia admysłovy kitajski žanr – fant Azija. U fant-Azijnych karcinach dziejničajuć pavietranyja vajary, začaravanyja pryncesy, pryvidy, apranutyja ŭ histaryčnyja šaty, a siaredniaviečnyja hieroi viaduć nievierahodnyja bojki.
«Klatva» Čena Kajhie, što stałasia najpaśpiachoviejšaj prakatnaj karcinaj u Kitai, mienavita takaja. Pieknata kitajskaha žyvapisu, kalihrafija kadru, medytacyjna-avanturny siužet, jak u taŭščeznych kitajskich ramanach.
Čaroŭnaje nacyjanalnaje kino kitajskaha klasyka Čena Kajhie treba prosta hladzieć. U im usio mahčyma.
Kapitalistyčny realizm
Palicyja Majami: Adździeł noravaŭ (Miami Vice).
ZŠA, 2006, kalarovy, 146 chv.
Žanr: kryminalnaja drama.
Adznaka: 5 (z 10).
Detektyvy Džejmz Krokiet i Rykarda Tabs zasłanyja ŭ narkakartel, kab vyjavić «krata», jaki zdaŭ ahientaŭ FBR. Aperacyja prachodzić niaprosta...
Cud «Palicyi Majami» zusim nia ŭ tym, što heta daŭhavaty kinapaŭtor znakamitaha teleseryjału 90-ch. (Zvyčajna adbyvajecca naadvarot – kino razrastajecca ŭ teleseryi.)
Niama ničoha dziŭnaha ŭ tym, što hieroi kapitalistyčnaha realizmu ŭ vykanańni Kolina Fareła j Džemi Foksa – manalitna-stanoŭčyja, jak persanažy komiksaŭ. Nie ździŭlaje i narkakartel, jaki fizijanomijami j noravami nahadvaje biełaruskuju vertykal.
Kachańnie detektyva Krokieta i narkafinansystki Izabeły (pryhažunia Li Hun) – taksama nia zvyšnaturalnaja źjava.
Stupar vyklikaje bazavaje pasłańnie, jakoje prachodzić praz čyściec zmročnaje formy. Režyser Majkł Man vykarystoŭvaje ličbavuju kameru, hulaje rasfokusam, tykajecca kinavokam u detali skury, stvarajučy amal fizyčna adčuvalnuju atmasferu zła.
Ale stanoŭčyja hieroi pieraadolvajuć usio – dziela spraviadlivaści j lubovi.
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary