Фант-Азія
Клятва (Wu ji).
Кітай–Ганконг–Японія–Паўднёвая Карэя, 2005, каляровы, 128 хв.
Жанр: фант Азія (Кітайская гістарычная казка).
Адзнака: 8,5 (з 10).
У 80-я гады ў Ганконгу крышталізаваўся адмысловы кітайскі жанр – фант Азія. У фант-Азійных карцінах дзейнічаюць паветраныя ваяры, зачараваныя прынцэсы, прывіды, апранутыя ў гістарычныя шаты, а сярэднявечныя героі вядуць неверагодныя бойкі.
«Клятва» Чэна Кайге, што сталася найпасьпяховейшай пракатнай карцінай у Кітаі, менавіта такая. Пекната кітайскага жывапісу, каліграфія кадру, мэдытацыйна-авантурны сюжэт, як у таўшчэзных кітайскіх раманах.
Чароўнае нацыянальнае кіно кітайскага клясыка Чэна Кайге трэба проста глядзець. У ім усё магчыма.
Капіталістычны рэалізм
Паліцыя Маямі: Аддзел нораваў (Miami Vice).
ЗША, 2006, каляровы, 146 хв.
Жанр: крымінальная драма.
Адзнака: 5 (з 10).
Дэтэктывы Джэймз Крокет і Рыкарда Табс засланыя ў наркакартэль, каб выявіць «крата», які здаў агентаў ФБР. Апэрацыя праходзіць няпроста...
Цуд «Паліцыі Маямі» зусім ня ў тым, што гэта даўгаваты кінапаўтор знакамітага тэлесэрыялу 90-х. (Звычайна адбываецца наадварот – кіно разрастаецца ў тэлесэрыі.)
Няма нічога дзіўнага ў тым, што героі капіталістычнага рэалізму ў выкананьні Коліна Фарэла й Джэмі Фокса – маналітна-станоўчыя, як пэрсанажы коміксаў. Не зьдзіўляе і наркакартэль, які фізіяноміямі й норавамі нагадвае беларускую вэртыкаль.
Каханьне дэтэктыва Крокета і наркафінансысткі Ізабэлы (прыгажуня Лі Гун) – таксама ня звышнатуральная зьява.
Ступар выклікае базавае пасланьне, якое праходзіць праз чысьцец змрочнае формы. Рэжысэр Майкл Ман выкарыстоўвае лічбавую камэру, гуляе расфокусам, тыкаецца кінавокам у дэталі скуры, ствараючы амаль фізычна адчувальную атмасфэру зла.
Але станоўчыя героі пераадольваюць усё – дзеля справядлівасьці й любові.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары