Prezident Kazachstana prapanavaŭ razhledzieć pytańnie źmieny hierba krainy
«Bo ŭ im prysutničaje eklektyka i prykmiety savieckaj epochi», — skazaŭ Kasym-Žamart Takajeŭ.
Prezident Kazachstana prapanavaŭ razhledzieć pytańnie źmieny hierba krainy. Pra heta Kasym-Žamart Takajeŭ zajaviŭ na trecim pasiadžeńni Nacyjanalnaha kurułtaju ŭ horadzie Atyraŭ.
Pa słovach Takajeva, ciapierašni hierb, zaćvierdžany ŭ červieni 1992 hoda, zanadta składany, źmiešvaje styli i maje elemienty savieckaj epochi.
«Ab dziaržaŭnym hierbie liču metazhodnym pryniać da ŭvahi słušnyja dovady prafiesijanałaŭ i nieabyjakavych hramadzian, u tym liku moładzi, ab tym, što hierb Kazachstana zanadta składany dla ŭsprymańnia, u im prysutničaje eklektyka i prykmiety savieckaj epochi», — zajaviŭ Takajeŭ.
Takajeŭ dadaŭ, što «ŭ vypadku ŭsieahulnaj zhody» nad pytańniem moža pracavać śpiecyjalnaja kamisija, jakaja «abjavić adkryty konkurs na najlepšy prajekt novaha hierba Respubliki Kazachstan».
Taksama Kasym-Žamart Takajeŭ vykazaŭsia pra historyju Kazachstana, piša Tengrinews.kz.
«Apošnim časam stała šmat abmierkavańniaŭ vakoł roznych padziej daŭniaha minułaha, viadomych histaryčnych fihur. Dajšło da taho, što našy piśmieńniki i paety horača spračajucca ab pachodžańni Čynhischana. Paraŭnoŭvajuć i supraćpastaŭlajuć lidaraŭ ruchu «Ałaš» i našych dziejačaŭ savieckaha pieryjadu. Dabracca da iściny ŭ takich dyskusijach składana, a navat kali i atrymajecca heta zrabić, takaja pustaparožniaja palemika, budaražyć hramadstva, nam nie patrebna», — adznačyŭ Takajeŭ.
«Usie našy dziejačy minułaha słužyli svajmu narodu, zychodziačy z ułasnych pohladaŭ i śvietarazumieńnia. Jany krytykavali pohlady adzin adnaho, a nastupnyja pakaleńni spračajucca ab tym, chto ź ich mieŭ racyju, chto vinavaty. U cełym nielha supraćpastaŭlać roznych histaryčnych dziejačaŭ, minuły i sučasny pieryjady historyi.
Bo, pa sutnaści, usio heta — naša historyja, projdzieny našym narodam šlach. Jak by tam ni było, nam treba sumlenna i biesstaronna hladzieć na svaju historyju i prymać jaje takoj, jakaja jana jość. Naša historyja pavinna stać faktaram kansalidacyi nacyi», — skazaŭ Takajeŭ.
***
«Ałaš» — kazachski hramadska-palityčny nacyjanalna-vyzvalenčy ruch, jaki abjadnaŭ kazachskuju i kirhizskuju intelihiencyju ŭ 1917 hodzie. Stvorany žurnalistam i publicystam Alichanam Bukiejchanavym, linhvistam, paetam i pierakładčykam Achmietam Bajtursynavym i piśmieńnikam Miržakipam Dułatavym, prymykaŭ pa ideałohii da rasijskaj partyi kadetaŭ. Likvidavany balšavikami i spyniŭ isnavańnie ŭ 1920 hodzie. Kiraŭniki partyi «Ałaš» byli represavanyja ŭ 1930-ja hady i rasstralanyja.
U Kazachstanie prybrali čarhovy pomnik Nursułtanu Nazarbajevu
Takajeŭ: Pałažeńnie ab adnarazovym prezidenckim terminie ŭ Kanstytucyi niaźmienna
«Ja pazbaviŭsia ad dušeŭnaj adzinoty, jakaja ciahnułasia hadami». Nursułtan Nazarbajeŭ raskazaŭ u miemuarach, što ŭ jaho jość druhaja siamja, a pieršaja žonka tolki radaja
Ciapier čytajuć
«Jany mianie saromiejucca». Jak praz 12 hadoŭ žyvie biełaruska, što naradziła dvajniat u 54 hady27
Kamientary
Ot silno rusificirovannych postsovietskich riespublik - satiellitov Rośsii do takich raznych riezultatov.
Odna, bałansiruja mieždu Kitajem i Rośsijej, vybrała puť mirnoj evolucionnoj diemokratizacii, postrojenija nacionalnoho hosudarstva, otkaza ot kołonialnoho rośsijsko-sovietskoho prošłoho. Ekonomika rastiot, narod bohatiejet, vsie sčastlivy. Strana suvierienna i v etom nikto nie somnievajetsia.
Druhaja, bałansiruja mieždu Jevropoj i Rośsijej, skatiłaś v driemučij sovok, płanovuju ekonomiku, vłasť siemiejki, političieskije rieprieśsii, boŕbu s sobstviennoj istorijej i nacionalnoj idientičnosťju. Vo hłavu uhła postavleno ubłažienije russkoho choziaina. Ostatki suvierienitieta isčiezajut priamo na hłazach. Buduŝieje tumanno.