Свет44

Прэзідэнт Казахстана прапанаваў разгледзець пытанне змены герба краіны

«Бо ў ім прысутнічае эклектыка і прыкметы савецкай эпохі», — сказаў Касым-Жамарт Такаеў.

Прэзідэнт Казахстана прапанаваў разгледзець пытанне змены герба краіны. Пра гэта Касым-Жамарт Такаеў заявіў на трэцім пасяджэнні Нацыянальнага курултаю ў горадзе Атыраў.

Па словах Такаева, цяперашні герб, зацверджаны ў чэрвені 1992 года, занадта складаны, змешвае стылі і мае элементы савецкай эпохі.

«Аб дзяржаўным гербе лічу мэтазгодным прыняць да ўвагі слушныя довады прафесіяналаў і неабыякавых грамадзян, у тым ліку моладзі, аб тым, што герб Казахстана занадта складаны для ўспрымання, у ім прысутнічае эклектыка і прыкметы савецкай эпохі», — заявіў Такаеў.

Такаеў дадаў, што «ў выпадку ўсеагульнай згоды» над пытаннем можа працаваць спецыяльная камісія, якая «аб'явіць адкрыты конкурс на найлепшы праект новага герба Рэспублікі Казахстан».

Таксама Касым-Жамарт Такаеў выказаўся пра гісторыю Казахстана, піша Tengrinews.kz.

«Апошнім часам стала шмат абмеркаванняў вакол розных падзей даўняга мінулага, вядомых гістарычных фігур. Дайшло да таго, што нашы пісьменнікі і паэты горача спрачаюцца аб паходжанні Чынгісхана. Параўноўваюць і супрацьпастаўляюць лідараў руху «Алаш» і нашых дзеячаў савецкага перыяду. Дабрацца да ісціны ў такіх дыскусіях складана, а нават калі і атрымаецца гэта зрабіць, такая пустапарожняя палеміка, бударажыць грамадства, нам не патрэбна», — адзначыў Такаеў.

«Усе нашы дзеячы мінулага служылі свайму народу, зыходзячы з уласных поглядаў і светаразумення. Яны крытыкавалі погляды адзін аднаго, а наступныя пакаленні спрачаюцца аб тым, хто з іх меў рацыю, хто вінаваты. У цэлым нельга супрацьпастаўляць розных гістарычных дзеячаў, мінулы і сучасны перыяды гісторыі.

Бо, па сутнасці, усё гэта — наша гісторыя, пройдзены нашым народам шлях. Як бы там ні было, нам трэба сумленна і бесстаронна глядзець на сваю гісторыю і прымаць яе такой, якая яна ёсць. Наша гісторыя павінна стаць фактарам кансалідацыі нацыі», — сказаў Такаеў.

***

«Алаш» — казахскі грамадска-палітычны нацыянальна-вызваленчы рух, які аб'яднаў казахскую і кіргізскую інтэлігенцыю ў 1917 годзе. Створаны журналістам і публіцыстам Аліханам Букейханавым, лінгвістам, паэтам і перакладчыкам Ахметам Байтурсынавым і пісьменнікам Міржакіпам Дулатавым, прымыкаў па ідэалогіі да расійскай партыі кадэтаў. Ліквідаваны бальшавікамі і спыніў існаванне ў 1920 годзе. Кіраўнікі партыі «Алаш» былі рэпрэсаваныя ў 1930-я гады і расстраляныя.

Каментары4

  • Пуdzh
    16.03.2024
    Два примера развития авторитаризмов.
    От сильно русифицированных постсоветских республик - сателлитов России до таких разных результатов.

    Одна, балансируя между Китаем и Россией, выбрала путь мирной эволюционной демократизации, построения национального государства, отказа от колониального российско-советского прошлого. Экономика растёт, народ богатеет, все счастливы. Страна суверенна и в этом никто не сомневается.

    Другая, балансируя между Европой и Россией, скатилась в дремучий совок, плановую экономику, власть семейки, политические репрессии, борьбу с собственной историей и национальной идентичностью. Во главу угла поставлено ублажение русского хозяина. Остатки суверенитета исчезают прямо на глазах. Будущее туманно.
  • Вікарый
    16.03.2024
    Чынгісхан гэта ж мангольская тэма
  • Михась
    17.03.2024
    ошень своевременный и нужный фопрос в это непростое фремя для фсех казахов :))))

Цяпер чытаюць

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?2

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?

Усе навіны →
Усе навіны

«Абутак для сапраўдных патрыётаў»: беларуская фабрыка робіць для школьнікаў боты з чырвона-зялёнымі шнуркамі30

Якім будзе надвор'е ў апошні тыдзень лета

«Шэдэўры Малевіча» з-пад матраца пенсіянеркі. Кур'ёз у свеце мастацтва2

Трывожны званочак — патрэба выпіць зранку. Нарколаг расказаў, як зразумець, што вы алкаголік19

Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»

Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер11

Раку ў Белавежскай пушчы павярнулі ў рэчышча XIX стагоддзя2

У Нясвіжы выстаўляюцца творы беларускіх майстроў, вывезеных у Маскву. Тое, што яны ўмелі, рускім майстрам тады і не снілася25

Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня3

больш чытаных навін
больш лайканых навін

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?2

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?

Галоўнае
Усе навіны →

Заўвага:

 

 

 

 

Закрыць Паведаміць