U Polščy praviarajuć kampanii, jakija pryciahvali biełarusaŭ pa prahramie Poland. Business Harbour. Pieršyja vyniki šakujuć
Polskaje ahienctva inviestycyj i handlu pravodzić pravierki ŭ IT-kampanijach, jakija pryciahvali zamiežnych rabotnikaŭ pa vizavaj prahramie Poland. Business Harbour. U chodzie pravierki płanujecca vyśvietlić, ci vykarystoŭvalisia hetyja vizy pa pryznačeńni, piša Rzeczpospolita.
Prahramu PBH zapuścili ŭ 2020 hodzie, kab pryciahnuć u Polšču śpiecyjalistaŭ i technałahičnyja kampanii z postsavieckich krain, pierš za ŭsio Biełarusi. Jana ŭklučała vydaču nacyjanalnaj vizy D23, jurydyčnuju padtrymku pry pierajeździe, dapamohu ŭ kantaktach z orhanami samakiravańnia, SEZ, inviestarami, a taksama hranty.
Z 26 studzienia hetaha hoda Polšča zakryła prahramu. MZS krainy zajaviŭ, što jana nie apraŭdała nadziej; raniej uźnikali sumnievy ŭ metavym vykarystańni viz.
Užo pieršyja vysnovy, jakija pryvodzić polskaje vydańnie Rzeczpospolita, pakazvajuć istotnaje razychodžańnie ŭ danych roznych viedamstvaŭ.
Pavodle źviestak MZS, z 2020 hoda Polšča vydała tolki hramadzianam Biełarusi 93046 viz PBH. Pavodle ž statystyki polskaj pamiežnaj słužby, z 2020 hoda ŭ krainu pa vizach PBH zajechała ŭsiaho kala 15 tys. čałaviek usich nacyjanalnaściaŭ. Naprykład, u 2023 hodzie pa hetym typie viz u krainu pryjechali 2184 biełarusy.
Na stanie na hety momant ahienctva inviestycyj atrymała infarmacyju ad 30 kampanij haliny z 50 zapytanych, i akazałasia, što tolki pa «biznes-šlachu» vizy PBH atrymali 13,6 tys. śpiecyjalistaŭ, ź jakich 9,5 tys. rełakavalisia ŭ Polšču, a 8,4 tys. taksama padali dakumienty na časovy dazvoł na žycharstva. Praŭda, danyja nie ŭličvajuć členaŭ siemjaŭ supracoŭnikaŭ.
«Infarmacyja, atrymanaja ad kampanij, pakazvaje, što niekatoryja supracoŭniki admovilisia ad rełakacyi na roznych etapach, u tym liku paśla atrymańnia vizy, i zastalisia, naprykład, u Biełarusi praz padatkovyja ci siamiejnyja prablemy», — skazaŭ Marcin Hračyk, pres-sakratar ahienctva.
Čytajcie taksama:
-
ZŠA pracujuć nad miescam sustrečy Trampa, Pucina i Zialenskaha ŭ kancy nastupnaha tydnia
-
Pryjarytet — spynieńnie ahniu. Zialenski i jeŭrapiejskija lidary parazmaŭlali z Trampam
-
«Ja nie dyktatar, mnie ŭ hałavu nie pryjdzie źmianiać Kanstytucyju». Prezident Sierbii Vučyč zajaviŭ, što nie pojdzie na treci termin
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju5
Kamientary