«Majo sumleńnie čystaje». Pratasievič trojčy padkreśliŭ heta ŭ efiry Biełaruskaha radyjo
Były redaktar Niechta pryznaŭsia, što raniej jamu było kryŭdna čytać artykuły pra siabie ŭ «apazicyjnych miedyja». A potym, maŭlaŭ, jon pierastaŭ źviartać na heta ŭvahu — bo sumleńnie čystaje.
U prahramie «Aktualny mikrafon» na Biełaruskim radyjo Pratasieviča zapytalisia, ci nie strašna jamu było jechać na adpačynak za miežy Biełarusi.
«Jość sens niečaha bajacca, kali ździejśniŭ niejkaje złačynstva, zrabiŭ niešta strašnaje i hetak dalej. A majo sumleńnie čystaje. Mnie bajacca niama za što», — adkazaŭ jon.
Były redaktar Niechta pryznaŭsia, što raniej jamu było kryŭdna čytać artykuły pra siabie ŭ «apazicyjnych miedyja». A potym, maŭlaŭ, jon pierastaŭ źviartać na heta ŭvahu, adznačyŭ Pratasievič i dadaŭ znoŭ: «I za što mnie pieražyvać, kali majo sumleńnie čystaje?»
Viadučaja źviarnuła ŭvahu na toje, što Pratasieviču mohuć zachacieć adpomścić «kalehi pa žurnalisckim cechu z apazicyjnych miedyja» ci prostyja biełarusy, jakija «źbiehli z krainy ŭ 2020-m».
«Vy paŭpłyvali na žyćci šmat kaho ź ludziej», — źviarnuła ŭvahu viadučaja.
U svaim adkazie Pratasievič pahadziŭsia, što byŭ «adnym z arhanizataraŭ». Adnak, pa jaho słovach, «kožny čałaviek tak ci inakš prymaŭ peŭnyja rašeńni, jakija źmianili jaho los. Heta toje samaje, jak kazali, što praz palityku ŭ 2020-m hodzie raspałasia vielmi šmat siemjaŭ. Dyk hetyja siemji raspalisia nie praz palityku, a heta była adna z nahodaŭ. Heta aznačaje, što ŭ siemjach i tak usio było, miakka kažučy, nie hładka. I hetaksama z čałaviečymi losami i žyćciami», — staŭ tłumačyć Pratasievič i zhadaŭ u treci raz pra svajo nibyta čystaje sumleńnie:
«I tut pytańnie ŭ tym, što, pa-pieršaje, ja znoŭ padkreślu, što majo sumleńnie čystaje».
Nu a pa-druhoje, pa słovach byłoha apazicyjaniera, a ciapier elektrazvarščyka, jon hatovy da razmovy, kali da jaho jość niejkija pretenzii.
Čytajcie. Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
I da, čiełoviek pokatiłsia, ponakłonnoj, vniz.