Siły śpiecapieracyj Ukrainy ŭziali ŭ pałon dvaich paŭnočnakarejskich sałdat u Kurskaj vobłaści, zajaviŭ prezident Ukrainy Uładzimir Zialenski. Pavodle jaho słoŭ, abodva vajskoŭcy paranienyja, ciapier jany dastaŭlenyja ŭ Kijeŭ i prachodziać dopyt.
«Hetaja zadača była niaprostaj: zvyčajna rasijanie i inšyja vajskoŭcy z Paŭnočnaj Karei dabivajuć svaich paranienych i robiać usio, kab nie zachavałasia dokazaŭ udziełu jašče adnoj dziaržavy — Paŭnočnaj Karei — u vajnie suprać Ukrainy», — napisaŭ Zialenski.
Zialenski taksama prykłaŭ da pasta fota vajskovaha bileta na imia tuvinca. Jon śćviardžaje, što Rasija vydaje vajskoŭcam z KNDR padroblenyja dakumienty.
Pavodle danych krynic The New York Times, kala 10 tysiač paŭnočnakarejskich vajskoŭcaŭ ciapier znachodziacca ŭ Kurskaj vobłaści. Paviedamlajecca, što jany ekipiravanyja rasijskim Minabarony. Raźviedka Paŭdniovaj Karei paviedamlaje pra 12 tys. sałdat KNDR u składzie ekśpiedycyjnaha korpusa.
22 listapada 2024 hoda The Wall Street Journal paviedamiła pra ranieńnie paŭnočnakarejskaha hienierała padčas udaru pa kamandnym punkcie ŭ Kurskaj vobłaści.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary