Vyhladaje tak, što śpiektakl z busam rychtavaŭsia KDB u apošni momant, nadta chutka, biez staranna padrychtavanaj lehiendy, ale z metaj abaviazkova paśpieć da pryjezdu Turčyna ŭ Maskvu. Raźlik byŭ na toje, što Kreml zahłynie hetu abrakadabru i daść kamandu rasiejskaj prapahandzie padchapić temu i stvaryć pryvabnuju dla Kramla viersiju. A Turčynu ŭ jakaści padziaki za "abaronu sajuznaj dziaržavy" atrymajecca zdabyć u Kramli žyvych hrošaŭ, bo apošnija vizity Łukašenki v Maskvu ničoha istotnaha nie prynieśli. Nu nielha ž lić pośpiecham čarhovuju adterminoŭku rasiejskich kredytaŭ, jakija adrazu ž nikoli viartać nie płanavałasia. U Kramli ŭsio zrazumieli, tamu na pieršy pohlad vielmi pierśpiektyŭnuju temu "padrychtoŭki ŭkrainskimi śpiecsłužbami kryvavaha terakta" praihnaravali, a hrošaŭ Turčynu nie dali. Historyja z busam nie "ŭźlacieła" i amal što adrazu ž pieratvaryłasia u valizku biez ručki: nibyta zatrymana zvyš za paŭtony vybuchoŭki (rekord!), a ź jaki bok razhaniać hetu historyju dalej - u Miensku nie razumiejuć. Tamu toje, što kaža "Mańko" ŭ intervju prapahandystam nie paddajecca anijakamu łahičnamu analizu i užo pačynaje nahadvać historyju ź pierachopam pieramoŭ Nika i Majka.
Kiroŭca mašyny z vybuchoŭkaj paviedamiŭ, što vioz jaje ŭ Piacihorsk niejkamu Alimu