Kiroŭca mašyny z vybuchoŭkaj paviedamiŭ, što vioz jaje ŭ Piacihorsk niejkamu Alimu
U spravie ab nibyta pieravozcy praz polska-biełaruskuju miažu 580 kiłahramaŭ vybuchoŭki źjavilisia novyja fihuranty. Zatrymany kiroŭca mašyny Jaŭhien Mańko paviedamiŭ u siužecie «Biełaruś 1», što kancavym atrymalnikam hetaha hruzu mieŭsia być niejki Alim z rasijskaha horada Piacihorska.
«Ja zajmajusia pieravozkaj aŭtamabilaŭ ź Jeŭropy ŭ Rasiju i Biełaruś. Da mianie źviarnuŭsia tavaryš z Estonii, Raman, ź jakim ja daŭno supracoŭničaju. Nijakich padazreńniaŭ nie było — ja pieravoziŭ dla jaho i techniku, i mašyny.
Jon skazaŭ, što treba dastavić aŭtamabil z Terespala ŭ Piacihorsk dla zakazčyka pa imi Alim. Ja z Alimam nie mieŭ znosiny, maja zadača — dastavić mašynu na mytny post, pieradać jaje i źjechać.
Adzinaje, što viedaŭ: niejki Ivan zajmaŭsia pierarobkaj aŭtamabila. Mašyna była nie prosta hruzavaja, a pieraabstalavanaja ŭ aŭtadom», — paviedamiŭ Jaŭhien Mańko ŭ efiry kanała «Biełaruś 1».
Raniej paviedamlałasia, što bus Mercedes na małdaŭskich numarach pryjechaŭ u Biełaruś z boku Polščy 2 krasavika. Jaho pierahaniali ź Litvy ŭ Rasiju. Na hetaj mašynie nibyta sprabavali ŭvieźci najbujniejšuju ŭ historyi krainy partyju vybuchoŭki — 580 kiłahramaŭ.
U toj ža čas polskija słužby staviacca da hetaj infarmacyi skieptyčna, nazyvajučy jaje «prapahandysckimi vysiłkami režymu».
«My nie kamientujem materyjałaŭ, što publikujuć słužby Biełarusi, razhladajučy ich jak elemienty dezynfarmacyi», — zajaviŭ, u pryvatnaści, pres-sakratar Nadbužanskaha adździeła Pamiežnaj achovy Polščy, u jaki ŭvachodzić pierachod u Terespali, Daryjuš Sianicki.
U Biełaruś sprabavali ŭvieźci najbujniejšuju ŭ historyi krainy partyju vybuchoŭki — 580 kh
Na BT pakazali zatrymanaha kiroŭcu, jaki jechaŭ na busie z vybuchoŭkaj
Polskija słužby admaŭlajuć, što praź miažu ź Biełaruśsiu pravozili vybuchoŭku
Pucin padziakavaŭ Łukašenku za zatrymańnie paŭtony vybuchoŭki na miažy
Kreml nie zhadaŭ pra padziaku Pucina Łukašenku za zatrymańnie vybuchoŭki na miažy
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki6
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary