Skazaŭ «dziakuj» čatu džypici — i kampanija ŭlataje na dziasiatki miljonaŭ dalaraŭ
Hienieralny dyrektar OpenAI Sem Altman paviedamiŭ u Twitter, što vietlivaść karystalnikaŭ u kamunikacyi z ChatGPT abychodzicca jaho kampanii ŭ miljony dalaraŭ.
Frazy kštałtu «kali łaska» i «dziakuj» u kancy zapytaŭ stvarajuć dadatkovuju nahruzku na vyličalnyja mahutnaści i pavialičvajuć apieracyjnyja vydatki, piša The Insider.
Tak jon adkazaŭ na pytańnie karystalnika, nakolki doraha abychodzicca raschod elektraenierhii z-za vietlivych zvarotaŭ. Adzin z kamientataraŭ pažartavaŭ: «Heta ž lohka vyrašajecca z dapamohaj koda na baku klijenta — prosta aŭtamatyčna adkazvać «kali łaska». Inšy dadaŭ: «Kali b jany sapraŭdy chacieli ekanomić elektraenierhiju, pierastali b zakančvać kožny adkaz pytańniem».
U apošnija tydni ChatGPT pieražyvaje rezki rost papularnaści, u tym liku z-za trendu na «anime ŭ styli studyi Ghibli», zhienieravanaje štučnym intelektam. Siaredniaja kolkaść aktyŭnych karystalnikaŭ u tydzień upieršyniu ŭ hetym hodzie pieravysiła 150 młn.
Pavodle spravazdačy Goldman Sachs, kožny zapyt da ChatGPT-4 spažyvaje pryblizna 2,9 vat-hadziny elektraenierhii — amal u dziesiać razoŭ bolš, čym standartny pošukavy zapyt u Google.
Pakolki OpenAI apracoŭvaje bolš za miljard zapytaŭ u dzień, sumarnaje spažyvańnie enierhii składaje kala 2,9 młn kiłavat-hadzin u sutki.
Altman adznačyŭ, što, niahledziačy na vydatki, hetyja srodki «dobra vydatkavanyja», bo vietlivyja zvaroty robiać uzajemadziejańnie z ŠI bolš čałaviečnym.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
I naadvarot, kali chamić i haniać ŠI (u styli łukašenkaŭskaj viertykali), to jon nie pakryŭdzicca i dasi toj ža vynik, adnak sam čałaviek moža zvyknucca z rolaju takoha "kiraŭnika".