U Nacyjanalnym mastackim muziei adkryłasia vystava, pryśviečanaja rasijskim pieramoham
U Nacyjanalnym mastackim muziei Biełarusi 28 traŭnia adkryłasia płanšetnaja multymiedyjnaja vystava pad nazvaj «Kraina pieramoh», prymierkavanaja da 80-j hadaviny Pieramohi ŭ «Vialikaj Ajčynnaj vajnie». Jaje stvaryli razam ź Dziaržaŭnym Ruskim muziejem, piša Reform.news.
Vystava pradstaŭlaje repradukcyi karcin, što adlustroŭvajuć roznyja momanty rasijskaj historyi — ad pieramoh Alaksandra Nieŭskaha i Dźmitryja Danskoha da vajny z Napaleonam i pieramohi ŭ 1945 hodzie.
U Sankt-Pieciarburhu dyrektarka Ruskaha muzieja Ała Maniłava zajaŭlała, što vystava — heta «himn pieramoham Rasii va ŭsie časy», padkreślivajučy rolu narodu ŭ zmahańni za Ajčynu. U Minsku jaje pramova była bolš strymanaj: jana adznačyła, što duchoŭnyja i kulturnyja kaštoŭnaści farmavalisia na praciahu tysiačahodździa.
Adnak najbolšuju ŭvahu pryciahnuła anatacyja na sajcie biełaruskaha muzieja: u ruskamoŭnaj viersii tekst nasyčany rasijskaj patryjatyčnaj rytorykaj pra histaryčnyja achviary, pravasłaŭje, zmahańnie z vorahami i zachavańnie tradycyj. U biełaruskaj viersii takich ideałahičnych pasyłaŭ niama.
Taksama stała viadoma, što kiraŭnictva biełaruskich i rasijskich muziejaŭ abmiarkoŭvaje novyja sumiesnyja prajekty na budučyniu.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły7
Kamientary
1856 — paciarpieła paražeńnie ad Brytanii i Francyi
1905 — paciarpieła paražeńnie ad Japonii
1917 — paciarpieła paražeńnie ad Hiermanii
1920 — paciarpieła paražeńnie ad Polščy, Finlandyi, Estonii i ŭsich krain Bałtyi
1939 — paciarpieła paražeńnie ad Finlandyi
1969 — paciarpieła paražeńnie ad Kitaja
1989 — paciarpieła paražeńnie ad Afhanistana
1989 — paciarpieła paražeńnie ŭ chałodnaj vajnie
1996 — paciarpieła paražeńnie ad Čačni
2022 — paciarpieła paražeńnie ad Ukrainy
2024 — paciarpieła paražeńnie ŭ Siryi
Druhaja suśvietnaja vajna vyjhrana ZŠA/Brytanijaj, tym časam aficery Stalina byli rasstralanyja abo adpraŭlenyja ŭ HUŁAH. Miljony trapili ŭ HUŁAH, u tym liku Sałžanicyn.
Adzinyja pieramohi Maskvy prypadajuć na ŭvarvańni ŭ mienšyja krainy:
a) Vienhryja 1956
b) Čechasłavakija 1968
c) Małdova 1992
d) Hruzija 2008
— Majkł Rejhan.
Varta pamiatać, jak Ronald Rejhan zrynuŭ Balšavickuju imperyju — biaz strełu. Jahonaja klučavaja zbroja? Nafta. Jak skazaŭ Majkł Rejhan: "Jon zrabiŭ heta biaz strełu, jak my viedajem, ale ŭ jaho była superzbroja — nafta."
siońnia prezydent Tramp imkniecca zrezać suśvietnyja ceny na naftu, asabliva na rasiejskuju naftu Urals, patencyjna źniziŭšy jaje nižej za 30 dalaraŭ. Vysnovy vidavočnyja: Maskoŭskaja imperyja moža nie pieražyć jahony termin.