Makron zaklikaŭ ZŠA ŭvieści sankcyi suprać Rasii, kali jana nie hatovaja da miru
Znachodziačysia ŭ Sinhapury ŭ ramkach turne Paŭdniova-Uschodniaj Azijaj, Makron sustreŭsia sa svaim sinhapurskim kaleham Łoŭrensam Vonham napiaredadni forumu «Dyjałoh Šanhry-Ła», najbujniejšaha forumu pa pytańniach biaśpieki i abarony ŭ Azii.
Adkazvajučy na pytańnie pra Ukrainu, a dakładniej pra druhi raŭnd pieramoŭ ab spynieńni vajny pamiž Ukrainaj i Rasijaj, Makron zaklikaŭ Rasiju i Złučanyja Štaty ŭziać na siabie adkaznaść.
Kali Rasija paćvierdzić, što jana «nie hatovaja da miru», Vašynhton pavinien paćvierdzić svaju prychilnaść sankcyjam suprać Maskvy, zajaviŭ francuzski prezident žurnalistam padčas vizitu ŭ Sinhapur, padkreśliŭšy, što «heta test na davier dla amierykancaŭ», paviedamlaje BFMTv.
«Ja razmaŭlaŭ z prezidentam Trampam 48 hadzin tamu, i jon vykazaŭ svajo nieciarpieńnie. Ciapier pytańnie ŭ tym, što my z hetym zrobim? My (jeŭrapiejcy) hatovyja», — dadaŭ jon.
Što tyčycca jeŭrapiejskaj pazicyi adnosna spynieńnia ahniu, prezident Francyi paćvierdziŭ, što jeŭrapiejcy zasłuhoŭvajuć davieru. «Jany paśladoŭnyja i nadziejnyja […] My nie źmianilisia, my, jak i raniej, vierym u mižnarodny paradak, supracoŭnictva, adkryty handal i pavahu da praviłaŭ», — taksama zajaviŭ jon.
Ciapier čytajuć
Dźmitryj Łukašenka choča pastavić pad kantrol usie mabilnyja telefony11
Kamientary