Макрон заклікаў ЗША ўвесці санкцыі супраць Расіі, калі яна не гатовая да міру
Знаходзячыся ў Сінгапуры ў рамках турнэ Паўднёва-Усходняй Азіяй, Макрон сустрэўся са сваім сінгапурскім калегам Лоўрэнсам Вонгам напярэдадні форуму «Дыялог Шангры-Ла», найбуйнейшага форуму па пытаннях бяспекі і абароны ў Азіі.
Адказваючы на пытанне пра Украіну, а дакладней пра другі раўнд перамоў аб спыненні вайны паміж Украінай і Расіяй, Макрон заклікаў Расію і Злучаныя Штаты ўзяць на сябе адказнасць.
Калі Расія пацвердзіць, што яна «не гатовая да міру», Вашынгтон павінен пацвердзіць сваю прыхільнасць санкцыям супраць Масквы, заявіў французскі прэзідэнт журналістам падчас візіту ў Сінгапур, падкрэсліўшы, што «гэта тэст на давер для амерыканцаў», паведамляе BFMTv.
«Я размаўляў з прэзідэнтам Трампам 48 гадзін таму, і ён выказаў сваё нецярпенне. Цяпер пытанне ў тым, што мы з гэтым зробім? Мы (еўрапейцы) гатовыя», — дадаў ён.
Што тычыцца еўрапейскай пазіцыі адносна спынення агню, прэзідэнт Францыі пацвердзіў, што еўрапейцы заслугоўваюць даверу. «Яны паслядоўныя і надзейныя […] Мы не змяніліся, мы, як і раней, верым у міжнародны парадак, супрацоўніцтва, адкрыты гандаль і павагу да правілаў», — таксама заявіў ён.
Цяпер чытаюць
Ці закрыюць Еўропу для беларусаў? Дарадца Ціханоўскай распавёў, пра што дамовіўся ў Берліне18
Каментары