Zialenski: Rasija admaŭlajecca abmieńvać biełaruskich pałonnych ci palitviaźniaŭ
Prezident Ukrainy Uładzimir Zialenski zajaviŭ, što Rasija vykarystoŭvaje pałonnych zamiežnych dobraachvotnikaŭ jak instrumient cisku na ichnija krainy. Pavodle jaho słoŭ, rasijski bok admaŭlajecca abmieńvać nie tolki hetych inšaziemcaŭ, ale i hramadzian Biełarusi, jakija vajavali na baku Ukrainy, paviedamlaje «Ukrinfarm».
Zialenski patłumačyŭ, što Rasija choča praz hetych ludziej upłyvać na adnosiny z krainami ich pachodžańnia — kab vyrašać ułasnyja intaresy. Naprykład, damahacca vyzvaleńnia svaich śpiecahientaŭ abo akazvać palityčny cisk. Tamu, kaža jon, vielmi redka mahčyma pačuć pra abmien pałonnymi z Łacinskaj Amieryki — Maskva nie žadaje abmieńvać hramadzian inšych krain.
Asobna Zialenski adznačyŭ, što Rasija nie choča navat pryznavać, što biełarusy vajavali za Ukrainu, i nie zhadžajecca addavać ich — navat kali havorka idzie nie pra vajskoŭcaŭ, a, naprykład, pra palitviaźniaŭ.
Jon dadaŭ, što pieradaje partnioram z roznych krain śpisy zamiežnych žurnalistaŭ i palityčnych źniavolenych, kab jany taksama ŭdzielničali ŭ vyrašeńni hetych pytańniaŭ.
Prezident Ukrainy pryznaŭ, što praca z rasijanami padčas abmienu pałonnymi vielmi składanaja i časta niespraviadlivaja. Ale Ukraina ŭsio adno imkniecca da dasiahnieńnia madeli «ŭsich na ŭsich», kab viarnuć usich svaich pałonnych — mahčyma, užo paśla spynieńnia ahniu.
Jon taksama zhadaŭ, što padčas niadaŭnich pieramovaŭ u Stambule była dasiahnutaja damoŭlenaść ab abmienie pałonnymi ŭ farmacie «1000 na 1000», i ŭ miežach hetaj damoŭlenaści ŭžo viarnulisia 880 vajskoŭcaŭ i 120 cyvilnych ukraincaŭ.
U rasijskaj niavoli znachodziacca ciapier jak minimum dvoje biełaruskich dobraachvotnikaŭ, jakija vajavali ŭ składzie Pałka Kalinoŭskaha. Heta Siarhiej Dziohcieŭ i Jan Dziurbiejka, jakija trapili ŭ pałon 26 červienia 2022 hoda.
Ukraina paviedamiła pra hibiel u Rasii bolš za 200 vajennapałonnych
Ukraina pieradała Rasii jašče adnaho pałonnaha biełarusa
Ukraina ŭ miežach abmienu z Rasijaj pieradała jašče adnaho pałonnaha biełarusa. Raniej pra jaho pałon nie paviedamlałasia
Sud u «DNR» zavočna prysudziŭ biełaruskaha dobraachvotnika Jana Dziurbiejku da 14 hadoŭ kałonii
Ukrainskaha pasła spytali pra pałonnych kalinoŭcaŭ
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec10
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1616
Kamientary
I jaki tut moža być upłyŭ na adnosiny ź Biełaruśsiu? Abo i hetyja fakty drennyja dla prapahandy?
Biednyja biełaruskija chłopcy, navat na vyzvaleńnie praz abmien apošnija ŭ čarzie...