Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi
Francuzski «Pary Sen-Žermen» u finalnym matčy ŭ Miunchienie nie pakinuŭ šancaŭ miłanskamu «Interu».
Francuzski futbolny kłub «Pary Sen-Žermien» upieršyniu ŭ historyi staŭ pieramožcam Lihi čempijonaŭ UEFA. Prytym aformiŭ heta dasiahnieńnie, pastaviŭšy rekord: dahetul nichto ŭ finale nie pieramahaŭ supiernika z razhromnym likam 5:0.
Raniej najbujniejšym likam u finale byŭ 4:0. Jon fiksavaŭsia ŭ 1974 hodzie ŭ matčy miunchienskaj «Bavaryi» i madrydskaha «Atletyka», u 1989 hodzie ŭ matčy miłanskaha «Intera» z bucharesckim «Ściaŭa» i ŭ 1994 hodzie ŭ matčy «Miłana» suprać «Barsiełony».
«Pary Sen-Žermien» ćviorda ŭziaŭ u svaje ruki inicyjatyvu z samaha pačatku matča. Užo na 12-j chvilinie marakanski lehijanier Ašraf Chakimi zabiŭ pieršy miač, a na 20-j Dezire Due pavialičyŭ pieravahu. Z takim likam kamandy pajšli na pierapynak.
U druhim ža tajmie francuzskaja kamanda aformiła razhrom. Na 63-j chvilinie toj ža Due davioŭ lik da bujnoha, na 73-j hruzin Chviča Kvaracchielija zabiŭ čaćviorty miač, a na 86-j Sieni Miejulu pastaviŭ kropku.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary