Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі
Французскі «Пары Сэн-Жэрмэн» у фінальным матчы ў Мюнхене не пакінуў шанцаў міланскаму «Інтэру».
Французскі футбольны клуб «Пары Сэн-Жэрмен» упершыню ў гісторыі стаў пераможцам Лігі чэмпіёнаў УЕФА. Прытым аформіў гэта дасягненне, паставіўшы рэкорд: дагэтуль ніхто ў фінале не перамагаў суперніка з разгромным лікам 5:0.
Раней найбуйнейшым лікам у фінале быў 4:0. Ён фіксаваўся ў 1974 годзе ў матчы мюнхенскай «Баварыі» і мадрыдскага «Атлетыка», у 1989 годзе ў матчы міланскага «Інтэра» з бухарэсцкім «Сцяўа» і ў 1994 годзе ў матчы «Мілана» супраць «Барселоны».
«Пары Сэн-Жэрмен» цвёрда ўзяў у свае рукі ініцыятыву з самага пачатку матча. Ужо на 12-й хвіліне мараканскі легіянер Ашраф Хакімі забіў першы мяч, а на 20-й Дэзірэ Дуэ павялічыў перавагу. З такім лікам каманды пайшлі на перапынак.
У другім жа тайме французская каманда аформіла разгром. На 63-й хвіліне той жа Дуэ давёў лік да буйнога, на 73-й грузін Хвіча Кварацхелія забіў чацвёрты мяч, а на 86-й Сені Меюлю паставіў кропку.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых88
Каментары