Źjavilisia pieršyja spadarožnikavyja zdymki avijabazy «Biełaja», na jakich vidać nastupstvy ataki SBU
Čatyry rasijskija samaloty źniščanyja, jašče čatyry, chutčej za ŭsio, paškodžanyja.
Pavodle spadarožnikavych zdymkaŭ, Ukraina ŭ miežach učorašnij apieracyi «Pavucińnie» naniesła sieryju ŭdaraŭ dronami FPV pa rasijskaj avijabazie «Biełaja» ŭ Irkuckaj vobłaści, u vyniku čaho byli źniščanyja abo paškodžanyja niekalki stratehičnych samalotaŭ dalokaj avijacyi, uklučajučy Tu-95 i Tu-22M3.
Na adnym zdymku (uźlotna-pasadačnaja pałasa) bačny źniščanyja try Tu-95 — rasijskija stratehičnyja rakietanoscy, jakija rehularna ŭdzielničajuć u zapusku rakiet pa ŭkrainskich haradach.
Adzin Tu-95 paznačany jak mahčyma paškodžany.
Taksama zafiksavana źniščeńnie adzinki Tu-22M3 — heta zvyšhukavy rakietanosiec, što moža vykarystoŭvać jak jadziernuju, tak i zvyčajnuju zbroju.
Na druhim zdymku (bolš hłybokaja častka bazy z anharami) paznačanyja try mahčyma źniščanyja abo paškodžanyja Tu-22M3.
Heta adzin z samych dalokich udaraŭ Ukrainy pa terytoryi Rasii z vykarystańniem FPV-dronaŭ, jakija zvyčajna majuć abmiežavanuju dalnaść dziejańnia.
Ataka padryvaje mahčymaści Rasii vieści stratehičnyja bambardziroŭki z hłybini svajoj terytoryi.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary