Rasijanie viazuć u Biełaruś tysiačy ciełaŭ zabitych vajskoŭcaŭ dla abmienu
Pieršaja rasijskaja kałona z 1212 ciełami ŭkrainskich vajskoŭcaŭ prybyła ŭ rajon abmienu. A ŭsiaho ich budzie pieradadziena bolš za 6000, paviedamiŭ pradstaŭnik rasijskaj pieramoŭnaj hrupy hienierał-lejtenant Alaksandr Zoryn.
Alaksandr Zoryn nie nazyvaje miesca, kudy dastavili cieły ŭkrainskich zahinułych vajskoŭcaŭ, ale miarkujučy pa fonie, na jakim jon robić svajo videapaviedamleńnie, heta Biełaruś — siarod ściahoŭ na fłahštokach jość i dziaržaŭny biełaruski.
Pavodle słoŭ Alaksandra Zoryna, hetaja kałona ź ciełami — pieršaja z zapłanavanych čatyroch. Paśla jaje buduć dva čyhunačnyja ešałony i adzin aŭtamabilny, kožny ź jakich pryviazie jašče pa 1200 ciełaŭ. Ahulnaja kolkaść, takim čynam, składzie bolš za 6000 ciełaŭ.
Što tyčycca abmienu vajennapałonnymi, to rasijski hienierał paćvierdziŭ, što budzie, jak raniej anansavałasia, abmien usich na ŭsich ciažkaparanienych i ciažkachvorych vajskoŭcaŭ, a taksama tych, jakija maładziejšyja za 25 hadoŭ.
Pavodle jaho słoŭ, Rasija ŭžo skłała i pieradała svoj śpis z 640 čałaviek, jakich chacieła b atrymać pavodle abmienu ad ukraincaŭ. Ukrainski ž bok pakul, maŭlaŭ, praces zapavolvaje jak pa abmienu ciełami, tak i pa abmienu pałonnymi.
Ukrainski bok nazyvaje padobnyja zajavy «manipulacyjami i sprobami vykarystoŭvać adčuvalnyja humanitarnyja temy ŭ infarmacyjnych metach» i zaklikaje Rasiju «viarnucca da kanstruktyŭnaj pracy».
Miadzinski zajaviŭ, što Ukraina pieraniesła «na niavyznačany termin» abmien vajennapałonnymi i ciełami zahinułych sałdat
U Homieli siłaviki ŭznaharodzili tajamničych hierojaŭ. Chto jany?
Zialenski nazvaŭ rasijan «idyjotami» za prapanovu prypynić ahoń na 2-3 dni
Rasija prapanavała prypynić ahoń na asobnych učastkach frontu na 2—3 dni
Kamientary
Fury zastavalisia ŭ Branskaj vobłaści RF.