Расіяне вязуць у Беларусь тысячы целаў забітых вайскоўцаў для абмену
Першая расійская калона з 1212 целамі ўкраінскіх вайскоўцаў прыбыла ў раён абмену. А ўсяго іх будзе перададзена больш за 6000, паведаміў прадстаўнік расійскай перамоўнай групы генерал-лейтэнант Аляксандр Зорын.
Аляксандр Зорын не называе месца, куды даставілі целы ўкраінскіх загінулых вайскоўцаў, але мяркуючы па фоне, на якім ён робіць сваё відэапаведамленне, гэта Беларусь — сярод сцягоў на флагштоках ёсць і дзяржаўны беларускі.
Паводле слоў Аляксандра Зорына, гэтая калона з целамі — першая з запланаваных чатырох. Пасля яе будуць два чыгуначныя эшалоны і адзін аўтамабільны, кожны з якіх прывязе яшчэ па 1200 целаў. Агульная колькасць, такім чынам, складзе больш за 6000 целаў.
Што тычыцца абмену ваеннапалоннымі, то расійскі генерал пацвердзіў, што будзе, як раней анансавалася, абмен усіх на ўсіх цяжкапараненых і цяжкахворых вайскоўцаў, а таксама тых, якія маладзейшыя за 25 гадоў.
Паводле яго слоў, Расія ўжо склала і перадала свой спіс з 640 чалавек, якіх хацела б атрымаць паводле абмену ад украінцаў. Украінскі ж бок пакуль, маўляў, працэс запавольвае як па абмену целамі, так і па абмену палоннымі.
Украінскі бок называе падобныя заявы «маніпуляцыямі і спробамі выкарыстоўваць адчувальныя гуманітарныя тэмы ў інфармацыйных мэтах» і заклікае Расію «вярнуцца да канструктыўнай працы».
Мядзінскі заявіў, што Украіна перанесла «на нявызначаны тэрмін» абмен ваеннапалоннымі і целамі загінулых салдат
У Гомелі сілавікі ўзнагародзілі таямнічых герояў. Хто яны?
Зяленскі назваў расіян «ідыётамі» за прапанову прыпыніць агонь на 2-3 дні
Расія прапанавала прыпыніць агонь на асобных участках фронту на 2—3 дні
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк43
Каментары
Фуры заставаліся ў Бранскай вобласці РФ.