U Ałmaty zasnavalnik «biaśpiečnaj ŁHBT-prastory» zhvałciŭ svajho padnačalenaha, pakul toj spaŭ
Transhiendar Jelisiej byŭ pjany i pad narkotykami, tamu spačatku ničoha nie zrazumieŭ.
U Kazachstanie razharełasia drama vakoł ŁHBT-bara «Amiraŭka» jaki pazicyjanavaŭ siabie jak biaśpiečnaja prastora dla ŁHBT-supolnaści.
Supracoŭnik bara Jelisiej (pa dakumientach jon žančyna) abvinavaciŭ zasnavalnika ŭstanovy Amira Šajkiežanava ŭ zhvałtavańni. Jon raskazaŭ, što ŭ noč na 24 sakavika 2025 hoda zasnuŭ na kanapie ŭ słužbovym pamiaškańni paśla źmieny, pry hetym jon znachodziŭsia ŭ «źmienienym stanie śviadomaści». Pra toje, što adbyvałasia paźniej, Jelisiej daviedaŭsia, pahladzieŭšy kamiery videanazirańnia.
Jak akazałasia, Amir nakryŭ Jelisieja koŭdraj, paśla pierakłaŭ jaho ŭ bolš zručnuju pozu i na praciahu 10 chvilin hvałtavaŭ śpiačaha supracoŭnika. Pry hetym adznačajecca, što Amir chvareje na VIČ, ale nie vykarystoŭvaŭ nijakuju abaronu.
Praź niekalki miesiacaŭ Jelisiej vyrašyŭ apubličyć situacyju i zapisaŭ videazvarot.
U adkaz na abvinavačańni Amir napisaŭ u instahramie svajo bačańnie historyi: «Niekalki miesiacaŭ tamu my sa znajomym pravodzili viečar razam i ŭ vyniku zanialisia seksam. Ranicaj moj partnior paviedamiŭ mnie, što pakolki my byli niećviarozyja i jon nie pamiataŭ ničoha, maje dziejańni byli ŭspryniatyja im jak seksualny hvałt».
«U mianie całkam adnaznačna nie było namieru pryčynić bol abo vykarystać stan čałavieka. Ale tut važna pryznać — heta ŭsio nie admianiaje majoj adkaznaści za naniesienuju škodu, i niezaležna ad maich namieraŭ, ja pryznaju, što mienavita maje ŭčynki nanieśli bol čałavieku. Ja pryznaŭ naniesienuju mnoju škodu, prynios prabačeńni i prapanavaŭ dapamohu ŭ pošuku i apłacie padychodziačaha psichaterapieŭta, kali čałaviek hatovy da hetaha», — dadaŭ zasnavalnik ŁHBT-bara.
Paśla taho, jak historyja vyliłasia ŭ sacsietki i vyklikała rozhałas, palicyja zatrymała Amira Šajkiežanava dla vyśviatleńnia abstavin.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary